Форум » Весемезэ эрзянь раськеденть /Все об эрзянском народе. » Нуя велесэ (Нойкино) эрзянь ды мокшонь эйкакшонь фестиваль. » Ответить
Нуя велесэ (Нойкино) эрзянь ды мокшонь эйкакшонь фестиваль.
ломань: Паро мельсэ пачтян - панжиковонь (маень) 19 чистэ Бугурусланонь райононь администрациянь образованиянь пельксэнть мереманзо вельде ютавтозель райононь васенце эрзянь ды мокшонь эйкакшонь фестиваль. Нама лемсэнзэ ульнесь "мордовский народ" валось, теке марто весе концертэсь ютавтозель эрзянь ды рузонь кельсэ, весе моротне, сценкатне ды киштематне ульнесть эрзякс вейкень пес. Кавто частнэ ве лексемакс совасть ойментень ды эзть марявояк часокс. Ванынь кода палсть пакшатнень сельмест, кодамо паро мельсэ сынь аштесть сцена лангсо, ды, арсян, те чись зярдояк а нардави седейстэст-мельстэст. Таго седейс сы кемема - бути кармить улеме истят эйкакшт, бути зярыя вий кармить путомо покштнэяк те тевентень - минек раськесь а ёми, сонзэ улить од виензэ. Сюкпря ёвтавлинь райононь АюМ.Спиридонов прявтонтень, образованиянь пельксэнь прявтонтень А.Б Кораблёвнэнь, М.Стряпчев предпринимателентень, Л.Е Никифорованеь, кона весеме лувонть уставицясь ды пурныцясь.DSC02899
Ответов - 0
полная версия страницы