Форум » Лия кулянь пачтямот(+ды финно-уграньгак) /Другие СМИ (+ финно-угорские) » "Чилисема" журналонть ули эсензэ Интернэт вальмазо » Ответить

"Чилисема" журналонть ули эсензэ Интернэт вальмазо

Matorchik))): "Чилисема" журналонть ули эсензэ Интернэт вальмазо [b]«Чилисема» эрзянь эйкакшонь ды од ломанень журналонть панжовсь сайтозо. Те журналось содавикс аволь ансяк минек республикасо, истя жо сонзэ томбалеяк ды омбо масторсо. Васоло енкстнэсэ, косо эрить эрзятне, бажить сермадстнемс тиринь журналонть. Те тевесь моли аволь шождасто. Пек питнейстэ сти сермадстомась, эрси истяяк – журналтнэ мекс-бути а пачколить ломантненень. Ловныцятне а весть пшкалесть главной редакторонтень Н.И.Ишуткиннэнь кевкстема марто: мекс журналонть арась сайтозо? Тевесь сыргась аволь умок. Кавто цератне – Антон Резниченко ды Влад Луконин – Н.П.Огарев лемсэ МГУ-нь электронной техникань факультетэнь студенттнэ, сынсь пшкадсть мелест-бажамост марто Н.И.Ишуткиннэнь. Ды вана – сайтось анок. Тозо путозельть ниле ковонь номерт, весе материалтнэ. Икелепелев арсеви путнемс эрьва од номерэнть ды одкстомтомс. Истя жо тосо путозь башка пелькс – ловныцятнень мельть-арсемат. Кой-кить пелькстазевсть: а еми лия журналтнэнь сермадстомась? А еми, аволь весень ули Интернетэст, улить журналонь истят вечкицят, кить а полавтсызь изданиянть лопанзо Интернет-версиянть лангс. «Чилисемав» варштадо, совадо, сермадодо: http://chilisema.ru/

Ответов - 5

Эрзянь нилькс: Matorchik))) пишет: "Чилисема" журналонть ули эсензэ Интернэт вальмазо Паро ушодкс марто! Окойники!

Маол: Паро! Ансяк ванан васьняяк моли рузонь келесь, ды уж седе мейле эрзянсесь... Та-мекс обоце таркас келенек путызь, ну и мезе Россиясо эрятам, мезе ней, эсинек келенек обоце таркас путнемкс?! Ну ладно хоть сайтынть теизь, и то паро))

Эрзянь нилькс: Маол пишет: Ансяк ванан васьняяк моли рузонь келесь, ды уж седе мейле эрзянсесь... Тувталось теньсэ вейке: кие тевенть теицязо, се аравтсы тевень лувонзо. Теицятне аволь эрзят, рузт. Секскак васень таркас аравтызь рузонь келенть. Эрзятнестэ те тевентень кияк эзь кунда. Ули мелем кемемс, зярдояк кунды те тевентень эрзянь ломань....


Matorchik))): Ялгат, паро хоть истя ули...

Эрзянь нилькс: Matorchik))) пишет: Ялгат, паро хоть истя ули... Нама, паро. Эскелькске икелев.



полная версия страницы