Форум » Эрзянь кель /Эрзянский язык » Эрзянь ковкерькс » Ответить
Эрзянь ковкерькс
erzianj : 2006 иесь састынге максы тарка 2007-нте. Эрьвась арси кода соненде эрямс, улемс. Мезень марто самс од иеньте, мезенть кадомондо. Арсян эрзятнень учить паро тевть, ды паро койть тевтнень марто. Эрьва иень прядомандо икели эрзятне, конат палы эсист раськест кис нолдыть ковкерькс. Кавто валсо ёвтазеван, мезе те истямось. Истя лись сынст теицяст, минек Инязор Пиргужонь Чирязозо Эрюшонь Вежай, Полярной ошсто, Мурманскоень ёнксто. Кевкстясынек сонде косто ушодовсь истямо мазы тевесь-коесь – Эрзянь Ковкерькс. Э.В.: Ванна тестэ: Эрзя раськесь ули, ковкерькст эрзянь арасельть. Республика Мордовиясь раскенек ванстомадо ансяк пары, мезтькак а тейни. Кода васенцеде тов пачкодинь, варштынь, - абунгадынь: валтнэде - улав, тевтнеде - бабань пеште. Сынь мельс: эряви мезтькак тейнемс. Истя сынь те тевентень. Ней теян ветеце ковкерьксэнть. Васенцесь ульнесь зепень ковкерькс. Мазы лись пакшинесь! ? – Вежай-леляй, кавто валсо - кодамо карми 2007 иень ковкерьксенек? Зняро лопасо, кодамо тиражось(ламось)? Э.В.: 2007 иень ковкерьксесь алтави Раськень Озксонтень. "Эрзянь Мастор" кулялопась теде сёрмадсь седе ламосто, тонь Эрий журналсонть икеле сермадовкснесе ульнесь теде пачтязь. Ловнодо эрзят. Ковкерьксенек карми вейке лопасо: А-3 сравтовкссо. Ламоксчизэ: атятне вешить 1,5 тёжат. Ламо? Ансяк эрзятнеде седее ламо. Рамсевельть- путовольть эрьва кудос, паро тевесь улевель. ? – Нолдамс зняро тежат ауль шожда питне тев. Кие лезды нолдамондо? Кува карми микшневеме? Косто эрзятнене саеменде? Э.В.: Нолдамозонзо пурнынек ярмакт тесэнь финно-угратне - пельтёжашка, алтась кучомо 1000 ц. Кузоватонь Одай Новокузнецк ёндо, лиятнень каясынь монсь. Микшневеме карми ковкерьксесь "Эрзянь Мастор" кулялопанок вельде. Сермадодо тов эрзят, финно-угрань ялгат, - карматад ковкерькс марто! ? – Ёвтака Вежай, мезекс тонь коряс эряви кудосо ковкерьксесь эрзятнене? Варштазеват лавкатнева улить ламо эрьва-кодат рузонь ковкерькст: шумбрачинь, видема, ковонь, пазонь кемемань, ды седе тов койтнеде… Э.В.: Лисни, эряви. Монсь неинь, кода омбоце ковкерьксэнть вейке эрзянь велень кудосо сыре эрзянь авась мик пазаватнень ваксс понгавтызе. Истя мелезэнзэ тусь! Николай Угодникенть ваксс!! Вана кодамо виезэ эрзянь ковкерьксэнть! А видсте ёвтамондо – эрзянь ковкерьксесь – те минек ойме, эйсензе неяви кода ковтнень ды читнень эрзякс видсте ёвтамондо. «Пондельник серёда марто» те ауль «понедельник со средой» эрзякс, видсте – «атяньчи, ды куншкачи». Эрзянь 2007 иень ковкерьксенть кармить максозь минек Покш читне, коли ютавтовить, ды кодат. Эрзятнене эряви минек койтнень содамс! ? - Зняро питне кис рамави? Э.В.: Питнензэ вансынек: арсян, 15-20 целковойть. Рамсемань кис саезь ярмактне туить Раськень Озксос, «Руця» оршамонь пелькстамонть ютавтомазонзо. Несынк, кавто нумолот-тевть лисить, - эрзянь ковкерьксесь карми кудосо, ды минек коенек карми лездазь, ютавтозь парсте. ? – Вежай, евтак, кодамо валмелькс (слоган ) марто сюлмат од 2007 иень ковкерьксенть? Улить кодаткак арсемат? Э.В.: Эрзя, муить ундоксот! (Эрзя, найди свои корни! ) Неть валтнэ кармить ковкерьксэнть вере чиресэнзэ. Арсян те валмельксесь карми васенце тевекс, оймеёжокс эрзятнень сы иесенть, - содадо карми ютавтовомо медьковонь васенце шлямочисте Чукалвелесе, Игнатбуень Эрзянь Масторсо – Раськень Озкс, сон карми колмоце неень шкань эрямосонть. Секс, эрьвата эрзянь оймесь, арсян муевлизеть ундондо! Од Ие марто, од тев марто, эрзят, минек ялгат!!! ? - Сюкпря, Вежай Чиряз кортамонть кис, паро валтнень-арсематнень кис! Карматан учеме од 2007 иень Ковкерьксенть! Арсян, сон карми штатолокс паломо минек эрзянь кудотнева. © Петрянь Андю
Ответов - 32
Эрзянь нилькс: Ялгат, састыне эряви кундамс 2011 иень ковкерьксэнь анокстамо. Сон карми алтавомо Йовлань Олонень. Путодо тезэнь ванмот, мельть-арсемат, кода минь сонзэ тейсынек? Мельсэ кирдемс вана мезе: Эйсэнзэ улезэ: 1. Йовлань Олонь покш ванмонзо. 2. Коврисьмесь читнень марто. 3. Эрзянь мазыльматне-орнаментэсь. 4. Нурька пачтямне Олонь эрямодонзо.
chuvashon_erzja: В продолжение темы: цитата: надо дать эрзянские. среда, к примеру куншкачи (средний день), суббота - шлямочи (банный день, получается)...ну и так далее... как и с месяцами также все эрзянское. Названия и этимология названий эрзянских месяцев и дней недели: Якшамоков – январь - (якшамо - холод) Даволков –февраль - (давол - метель) Эйзюрков –март - (эйзюр- сосулька) Чадыков-апрель - ( чады - половодье) Панжиков –май - ( панжомс - открывать) Аштемаков-июнь, (аштемс - ожидать, ждать) Медьков-июль - (медь- мёд) Умарьков-август - (умарь- яблоко) Таштамков-сентябрь - (таштомо- накопление, сбережение) Ожоков-октябрь - (одо- желтый) Сундерков –ноябрь - (сундерьгадомс- смеркаеться) Ацамков-декабрь - (ацамо- покрывание(снего в данном случае)) Таргонь читне (днинедели): Атяньчи – понедельник ( день старших) Вастаньчи-вторник (день супругов,семьи - раньше зачин свадьбы был в этот день) Куншкачи-среда(средний день недели) Калоньчи- четверг (рыбный день) Суконьчи- пятница ( суконямс- кланяться, день поминания предков) Шлямочи- суббота (помывочный день) Таргочи-воскресенье (выходной день, завершаюший неделю) Прошу править названия и этимологию(в скобках),знаком вопрос я обозначил слова, которые требуют уточнения.
Эрзянь нилькс: chuvashon_erzja пишет: Сундерков Правильно так: суньдерьков chuvashon_erzja пишет: сундерьгадомс и так : суньдерьгадомс.chuvashon_erzja пишет: Суконьчи Надо так: сюконьчи и сюконямсchuvashon_erzja пишет: Аштемаков надо: аштемков Аштемс - это ещё и стоять, находиться без дела, между посевной и сенокосом, месяц отдыха.
erzianj : erzianj пишет: Эрзянь ковкерькс истямо карми Од 2007 иень ЭРЗЯНЬ КОВКЕРЬКСЕСЬ (фото оттиск церно-белый... оригинал цветной):
chuvashon_erzja: erzianj пишет: ЭРЗЯНЬ КОВКЕРЬКСЕСЬ Было бы здорово отсканировать в истинном цвете и с хорошим разрешением и поместить в виде файла ,пригодного для качественной печати.
erzianj : chuvashon_erzja пишет: Было бы здорово отсканировать в истинном цвете и с хорошим разрешением и поместить в виде файла кода карми теезь путсынек! сонде теить ансяк!
chuvashon_erzja: Если в первом приближении рассмотреть этимологию этнических названий месяцев и праздников эрзян и чуваш, то можно заметить, что время снежного покрова у эрзян декабрь- название месяца Ацамоков, означающее снежный покров, а у чуваш октябрь – 14 октября праздник Кепе – снежный покров(рубашка). Из этого можно предположить несколько вариантов : - ранее предки чуваш жили севернее эрзян и снег у них выпадал раньше или предки эрзян жили южнее; - современные календари у эрзян и чуваш смещены на месяц в противоположные стороны; - календари наших предков составлялись в разное время и в разных местах, - календари наших предков приспособлены или конвертированы под календари других племен или народов в местах общего проживания с иными климатическими условиями. Или.....
erzianj : Наконеч-то дождались. Вышел из типографии Эрзянь Ковкерькс 2007. Эрязне покупайте, друзья финно-угры, и просто НАШИ друзья, покупайте!!! девиз каленадря 2007: Эрзя, муик ундоксот! Эрзя найди свои корни!, и посвящен он предстоящему Эрзянь Раськень Озксу! Календарь 2007 можно преобрести в редакции газеты "Эрзянь Мастор" по адресу: 430000, г.Саранск, ул.Коммунистическая, 33, корпус 3 комн.113 тел. (8-834-2) 24-28-65 Расчётный счёт 40703810700000000231 в ОАО "Мордовсоцбанк" г.Саранск. ИНН 1326048480, ОКОНХ 98400, ОКПО 25995751, МФО 048952745, кор.счёт 30101810300000000745 стоимость календаря 15 руб. Тираж 1500 шт. формат А4. Эрзянь иень ковкерькс Иесэнть ниле пелькст: тундо, кизе, сексь, теле. Эрьва ие пельксень колмо ковонзо, весемезе иесэнь 12-во ковт. Эрьва ковсонть ниле таргот (недлят). Кезерень пингетнестэ иесь ушодовиль авуль якшамговсто, ушодовиль эзюрковсто-тунда. Эдь раськень оймежомарямочисэ иесь сюлмавозь ломаненть эрямо лувонзо марто. Ломанесь ушодсы эрямопингензе чачомсто, тундонь шкане ушоды перьтьпельксэнть сыргоземазо ды од чачома касома, те прок ломанень эйкакшпинге. Кизесь мазый, веси тевтне эрямо енксне лаказь-лакить, те прок од ломанень шка. Сексесь – иенть кенерезь, превиязь шказо, прок ломанесь, коната эрямосонзо чапсь кудо, таштась, сюпавчи, кастась ды тонавсь эйкакшт, телесь прок шержей пря ломань, кона пурны оймсеме. Эрзятне свал озныть чилсема енов, кудокеншнеяк эрси теезь чилисема енов, те тундо одсчачума оймсе-тевсе мезеньдяк ушодома. Кулознень калмильть пряст ульнесть пелевенкс енов, теленть, оймсеманть енов. Ушодтано эйкашпингесте –тундонь ковтнестэ. Чипаесь чиде-чис эжди яла виевсте, читне кармить кувалгадомо, телень сундерькстне потамо.Чикуншкасто латочиретнестэ ушоды солы ведень кольгома, чопоньбелев сынь кельмить ды теевить эйзюрокс (сосулькакс) нама кода чарькодиде те ковось лемдяви эйзюрговокс (март).Те ковстонть ютавтовить покшчить ды кенярьксчить конатат алтазь норовжорчонь-нарминень тедемантень, ды телень якшамотнень панемантень, ды теленть меельцеде арнемантень киряксневманзо алашасо. внимательно смотри тут: Полный текст "Эрзянь иень ковкерькс" + ФОТО КОВКЕРЬКС 2007
chuvashon_erzja: Куплю объязательно,если оплатить за 10 шт,то имется возможность выслать их по почте на домашний адрес? Я для временного личного пользования сегодня скопировал обе половинки календаря, состыковал их в единый лист и немного отретушировал в месте стыковки,получилось неплохо. Если автор разрешит ,то могу здесь разместить это файл. Файл оптимизирован для печати на формате А3, на А4 вероятно получится еще четче. А3 я для себя на струйнике распечатал получилось хорошо. Мидянь Олодь.
Эрзянь нилькс: Паро, Оло. Авторось каршо а карми. Путык. Эрюш Вежай
chuvashon_erzja: Эрзянь нилькс пишет: Авторось каршо а карми. Путык. Эрзянь ковкерькс 2007 ие
Эрзянь нилькс: Ялгат, састыне эряви кундамс 2012 иень ковкерьксэнь анокстамо. Сон карми алтавомо Йовлань Олонень. Путодо тезэнь ванмот, мельть-арсемат, кода минь сонзэ тейсынек? Мельсэ кирдемс вана мезе: Эйсэнзэ улезэ: 1. Йовлань Олонь покш ванмонзо. 2. Коврисьмесь читнень марто. 3. Эрзянь мазыльматне-орнаментэсь. 4. Нурька пачтямне Олонь эрямодонзо.
+FINNO-UGOR+: Арсемс уш? Эскизт артомс?
Эрзянь нилькс: +FINNO-UGOR+ пишет: Арсемс уш? Эскизт артомс? Эряви! А кундатадо Маол марто вейсэ?
+FINNO-UGOR+: Арась, мон а содан косо сон. Вишнян сонзэ.
Эрзянь нилькс: +FINNO-UGOR+ пишет: Вишнян сонзэ. Сюлмаводо те тевсэнть.
Маол: Макет без текста и сетки календаря. К сожалению, нет программы, позволяющей использовать нормальные шрифты(может есть у кого?) Плюс не представляю где(в какой программе) разложить календарную сетку(чтобы не кривая была и чётко распределить её, что-бы уместилась)(в fotoshop - морока)
Эрзянь нилькс: Маол пишет: Макет без текста и сетки календаря. Маол, 1. Истят тешкскеть, конатнень тон путыть ковкерьксэнть перькава, эрзянь викшневкссэ арасть. Мекс сынь кругловойть? 2. Биографиясь а кельги. Эряви путомс истят сёрмадовкст: ЭРЗЯНЬ 2012 ИЕНЬ КОВКЕРЬКС Алтави Йовлань Олонь (РОМАШКИН В.И.) 60-це чачома иезэнзэ. Биографиянть таркас эряви сёрмадомс ансяк: 1. Эрямо иензэ: чачсь..... кулось..... калмазь.... 2. Теизе "Торама" эрзянь морамо куронть. 3. Содавикс сединдей... 3. Казезь.... 4. Чачома кудосонзо эрзянь Вирь Тавла велесэ ней панжозь Йовлань Олонь лемсэ эрзянь этно-кудо. Сакшнодо, эрзят, Йовлань Олонь этно-кудос! Эрьва иестэ, таштамковонь васенце таргочистэнть эйсэнзэ ютавтови Йовлань Олонь лемсэ эрзянь моронь покшчи. Олодо материалтнэнь саить эрзянь Википедиясто. Артовксось, Маол, мелезэм пек тусь!!!! Важодть седе тов! Тонь лиси! Ансяк! Каладозь кудотнень таркас эряволь путомс Йовлань Олонь кудонзо ванмонть.... Ало, вишкинестэ: кие арсизе ковкерьксэнть....
Маол: Монень бу фотканть Вирь Тавлань кудонзо-музейзэ марто.
Matorchik))): Мазый ковкерьксэсь!!! Монь косо-бути ульнесь этно-кудонть марто фотом. Вешнеса! (ансяк качествазо туи-арась,а содан)
Эрзянь нилькс: Маол пишет: Монень бу фотканть Вирь Тавлань кудонзо-музейзэ марто. Кучса! Чокшнэ.
Инзейне1: Эрзянь нилькс пишет: Кучса! Чокшнэ. Эрюш,мон Маолнэнь кучия вана те вановксость ............. .
Маол: Монень бу, седе паро качаства марто.
Инзейне1: Маол пишет: Монень бу, седе паро качаства марто. Монь лия арась,паряк Эрюш кучи .
Эрзянь нилькс: Маол пишет: Монень бу, седе паро качаства марто. Кучан.
Инзейне1:
Маол:
Маол: А те вариантось кода?
Эрзянь нилькс: Маол пишет: А те вариантось кода? Седе вадря! Варштыкая почта паргот,мезе а мезе кучинь теть.
Эрзянь нилькс: Маол пишет: А те вариантось кода? Перькава молиця тешкстнэнь теитя эрзякс....
Matorchik))): А содан, кода лиятненень, а монень пек тусь мельс.
Инзейне1: Вана кодамо муинь вановкс Йовлань Олонь.
полная версия страницы