Форум » Эрзянь кель /Эрзянский язык » Вечкезь эрзянь кельденек кортамот-арсемат. » Ответить
Вечкезь эрзянь кельденек кортамот-арсемат.
Эрзянь нилькс: Вечкезь эрзянь кельденек кортамот-арсемат. Косто саевь рузонь «распря» валось? Эзиде арсе теде, эрзят? Мон та-кода арсезевинь ды сынь истямо мельс: сон теевсь кавто эрзянь валтнэстэ – «арась+пря». Сестэ, зярдо ломантне сёвнозевить, алкукс, лисни – ломантне пряст ёмавтыть ды прянь-превень аразьчисэ «вешнить» видечинть. Лисни, те валось совась рузонь кельс эрзянь кельстэ. Истя, эрзят? Эли манявинь? Эрюш Вежай Даль В.И. Толковый словарь. Распря - несогласие, раздоры, ссоры, смута. Макс Фасмер. Этимологический словарь. Распря - от РАЗ и ПРЯ.
Семен: chuvashon_erzja пишет: эсинек ломантне тонавлесть кирилицанть, Истя! Лия ёндо од ломанне латиницась седи вечкеви. Ков иля ургать-кунда ве тевенть кавто пензе)))))))
Эрзянь нилькс: Рузонь тешкстнэнь ды днигатнень кияк а ёрты. Эряви ве шкасто (параллельно) нолдамс тевс эрзянь латиницантькак. Сасыне. Апак капша.
Nilkss Eri: Кода теевсь БЕРЯНЬ эрзянь валось? Истя: ПЕ+ЭРЯНЬ = ЭРЯМОНЬ ПЕ.= Конец жизни.
Эрзянь нилькс: Уникальная и древняя форма отрицания в эрзянском языке с помощью окончания -ЯК (гак) , прибавляемого к вопросительным словам. кияк=никто мезеяк=ничто кодамояк=никакой киньгак=ничей мезеньгак= не из чего (сделанный, состоящий) ......
Эрзянь нилькс: Арседе, эрзят: Ули эрзянь вал: ЛОПА Ули рузонь вал: лопата... Лопаськак лапштаня, коймеськак (лопата) лопань кондямо. Койсэм, рузтнэ теизь ЛОПАТА валонть эрзянь ЛОПА валстонть. Ули эрзянь вал: ЯКСТЕРЕ Ули эстэнь вал: TERE! ( Ульть шумбра!) Суоминь кельсэ: TERVE! ЯКС+ТЕРЕ= Се ломаненть, кона якси-эри шумбрачисэ, чамазо якстере. Тестэ саевсь-теевсь ЯКСТЕРЕ валось, улема...? ЯКШАМО= ЯКС(тере)+ЧАМА Видеть-арась неть арсеман?
Nilkss Eri: Тиринь кельде мельть-арсемат Тынь кортатадо эрзякс? Сэрей, ёлганя, мазый од тейтерь… Варштат лангозонзо – кенярксто пешкедят. Чама умарензэ якстердить, тюжа сельмензэ цитнить… Ансяк мекс истя апак учо тейтересь нусмакадсь? Секень вант, сельведензэ лисить… Мезе мартонзо? Кевкстеманок каршо мазыйкась а сеске мусь эрявикс валт. Эстензэяк эзь чарькодеве, мезень кис истя покордызь – теке рудаз ведьсэ валызь. Окойники таргизе оймензэ ды невтсь аволь уш од, парсте оршазь цера ломаненть лангс. Сынь вейсэ лиссть 20-це № автобуссто. Ардомсто уш те алясь а весть казямосто варштнесь лангозонзо, зярдо тона ялганзо марто кортась эрзякс. Валгомадост мейле сон рангстась тейтерентень рузкс, лоткавтызе ды кежейстэ мерсь: ломань ютксо, келя, кортамс эряви ансяк рузкс. Тон жо, тейтерь, «по-мордовски» лабордат. Таймаскадозь, Юля эзь машто сеске кардамс покордыцянть, эзь мереве: сон колси масторонь Конституциясо яволявтозь праванть кортамс, кунсоломс, тонавтнемс эсь раськень кельсэ. Алюхась, секень вант, лови прянзо «культурнойкс», косояк невтни дипломонзо. Теке марто зярдояк а кардасы визькс валсо, ава лемсэ севныцянть. Седеяк апаро: чумонды эсенек, эрзянь-мокшонь республикасо тиринь кельсэ кортамонть кис. Мезе, а содыяк, неть кельтне – рузонсенть марто минек яволявтозь государственнойкс? Арсезеват, мекс истя а вечксызь эрзянь (ды мокшонь) кельтнень тесэ, Мордовиясо эрицятне? Мезе, од тейтеренть покордамось – чуросто вастневиця тев? Улема, кой-кинь алкукс ловить минек рузтнэнь коряс седе барянь ломанекс, тиринь келенек – тунь а эрявиксэкс? Кевкстьсынек эсь прянть: минь теньсэ а чумотано? Мекс а марятано алкуксонь мельспаро тиринь келенек кувалма, виздтяно марямга кортамс эрзякс ды а бажатано лиятнененьгак ёвтнемс, невтемс, кодамо мазый, гайгиця минек келесь, зярошка сюпавчить таштась ламо пингень перть эрзянь раськесь, кодат седеень токиця койть-кирдат кадсть тенек покштятне-сырькайтне. Эрзянь газетасо-журналсо ламо иень перть важодезь, ловныцятнень марто вастневемстэ яла бажинь ёвтнемс теде. Ды аволь весть савкшнось неемс-чарькодемс, кода аламо содыть вакссост эрицятнеде рузтнэ, ды, а мезть сёпомс, сынсь эрзятнеяк – эсест раськень историядонть, кельденть. Лиясто мик сёпить, кить сынь, истя кенерсть рузыямо… Ловить, мезекс маштови эрзянь келесь? Эряви-арась сонзэ тонавтнемс? Мезе эйсэнзэ вадрясь? Дивсек теде мейле, мекс пингест перть вакссонок эриця рузтнэ ве валгак а содыть эрзякс. Те аламо: превезэсткак а сакшны – улить кавто кельть, аволь вейке «мордовской». Те – эрзянь ды мокшонь. Эрьвась эйстэст, кода тешкстазь икеле, рузонсенть марто вейсэ Мордовия Республикасо закононть коряс ловови государственнойкс. Куш те бу кармавтовлинзе эрицятнень явомс тенст эрявикс мель ды кармамс тонавтнемест. Кевксетемс, мезе тень коряс арсить минек учёнойтне – келень содыйтне? Зярошка диссертацият сёрмадозь-идезь, максозь наукань кандидатонь ды докторонь лемть. Ансяк косот эрявикс валкстнэ, пособиятне, конатнеде пешксе лия раськетнень туртов? Снартынк муемс-рамамс сень, конань анокстызь К.Абрамов ды Д.Рютер, эрзянь синонимень-антонимень, этимологиянь ды лият… Маряви, эрзянь учёнойтнень сехте пек талновтыть кевкстематне, вейсэ-арась сёрмадомс те эли тона валонть ды кодамо буква марто – гайгиця эли аволь. Мертяно, киуло эли ки уло, кустема эли кузтема, лецтнемс эли ледстнемс, куш ловныцянть туртов смустесь ялатеке. Вечкеви, кода тонадовсь. А вана кавто кельстэ – эрзянь ды мокшонь – вейкень теемась, мезень коряс меельце шкасто моли пелькстамось, ломантненень тунь а чарькодеви. Кода сеяк, мекс эряви полавтомс сёрмадома правилатнень ды «одкстомтозтнень» коряс кармамс витнемс мик писательтнень-классиктнень произведенияст. Чилисема ёно а стяко кортыть: ломанесь, кие соды вейке кель – вейке ломань. Кие соды кавто кельть, се кавксть седе сюпав, сон кавто ломанть ашти… Тень мельсэ кирдезь, зяро ёмавтыть сеть, кить тунь а бажить содамс мик эсест раськень, тиринь, тетяст-аваст келенть. Татартнэ, мертяно, ормасонть а сэредить, а виздить эсест ладсо кортамо. Васняяк, ледстясынек, кодамо мазый, гайгиця эрзянь келесь! Валтнэ ёвтавить марявиксстэ, чарькодевиксстэ. Гайтне а ёмсить, а нильневить-кекшевить, Кунсолодо: Кудо. Сельме. Кенерепакарь. Ава. Эйде. Пурьгине. Варма. Мода. Пире. Кода ёвтавить, истя сёрмадовитькак. Эйстэст ламо таргавиця-марявиця гайть (гласнойть). Моротненьгак те пек мазылгавты. Самай тень кувалт эрзянь келенть ладить-аравтыть италиянсенть ваксс. Тагояк кунсолодо: Цярахман. Марятадо, кода те валось пачти менельстэ кснавнень кондят эйтнень певеремадо? Варштадо-нееде, ванодо-вешнеде, зяро минек кельсэ истят «марявикс» валтнэде. Зэрни пурьгине. Дынгадемс. Цяхамс. Гамадемс. Гулдорды гулькине. Ёзамс. Ёзмолдомс. Злыдарь. Изамо. Ирнэмс. Кальдерькай. Корномс. Кумболдозь. Дирнема (трещётка). Пенгедемс (обдират просо). Пиземе. Плестядемс. Цярадемс. (Ловнынк И.Кривошеевень «Кузницясо» стихензэ). Ламо келень содыйсь О.Ткаченко профессорось (Киев) сёрмады (кадсынек рузокс): «…этот язык (эрзянь ред.) даже в отдельных своих словах так выразителен и прекрасен… У него очень большое чисто языковых достоинства и возможности. Есть много очень красивых и, я бы сказал, живописных слов. Прямо не слова, а целая звуковая картина. Очень нравятся, в частности, слова, связанные с природой: цёков( звучит, как одно из «колен» соловьиного пения); овто (представляет что-то огромное, мохнатое, мощное); ривезь (видишь тоненькую хитрую мордочку зверя, есть в этом слове что-то острое); в слове «лей» плещется и волнуется вода. Одним словом, есть очень много эрзянских слов таких, как о каждом можно написать целую тему». (Орест Ткаченко. Письма далекого друга. Саранск. 2004 г. стр. 10). А стяко учёноесь покш мельсэ тонавтнесь минек келенть ды а беряньстэ корты эрзякс. Теде мейле одов ды одов леди мельс С.Люлякинань «Эрзянь кель» морокс теевезь стихезэ. Энялдан? Инескеть, муинк ды ловнынк. Седе паро – тонавтнинк. Ледстясынек сеньгак: кода ваньксстэ, шождасто корты эрзякс Американь эрицясь Джак Рютер! Сон пек вечксы эрзянь келенть, ды те вечкемась пачтизеяк од цёранть минек юткс. Ламо келень содамось маштовсь тензэ Мордовской госуниверситетэнь студенттнэнь тонавтомсто. Од учёноесь ламонь дивавтынзе Саранскойсэ вейке научной конференциясонть, зярдо колмосядт докладтнэстэ ськамонзо (!) эсензэть ловнызе эрзякс. К.Абрамов народной писателенть марто вейсэ анокстась ды нолдась эрзянь валкс. Ашти мельсэнь: Джак дивсесь, мекс минь кортатано «самолет»? Сонзэ таркас, келя, пек седе вадря ули ёвтамс «менель венч». Тесэ, Саранскойсэ, Джак муизе вечкеманзо-уцясканзо: урьвакстсь эрзянь тейтерь лангс. Свадьбанзояк, ков сакшность Америкасто авазо ды Англиясто лелязо, теинзе минек койтнень коряс, эрзякс. Одирьвась оршазель эрзянь викшнезь палясо. Од мирдесь кемевтизе Ольга нинзэ: истя, эрзякс наряжазь, сонзэ паро мельсэ вастсызь финнэнь-угрань куш кона масторсонть. Мон сёрмадокшнынь «Сяткосо» минек университетэв сазь венгрань тейтерденть «Юдит корты эрзякс». А кода тошнакалить эсь раськеденть явозь ломантне! Минь ламо иень перть кучнотано карадо-каршо сермат Набережные Челны ошсо эрицянть Агзамова Вияна марто (паспортонь лемензэ Раиса лови аволь эсензэкс): мон – эрзякс, сон – рузкс. «Я Ваши письма читаю как прекрасную эрзянскую мелодию». Меремс, те овсе О.Ткаченко ладсо. Тешкстасынек, эрзянь валтнэнь ёвтамсто а пупордят (паряк, теяк вечкевсь Д.Рютернэнь ды лиятненень). Текенень, вастневить аволь аламо истят, конат рузонь кельс а ютавтовить. А муят тарказост тень кондят рузонь. Каштом лаз. Мацт курго. Чалгамо лаз. Песчувто. Содатано, зняро пеедькшнемат-згилямот тукшныть тиринь келень стувтыцятнень ланга! Ёвтнить, велявтсь армиясо служамодо мейле церась ды аванзо мартояк кармась кортамо ансяк рузкс. Озась столь экшс, вешсь ярсамс. Авась каясь капста ям. Панжадо вельмаванть ливтясь калгине ды понгсь ваканонтень. Церась эзь муе, кода ёвтамс тень рузкс ды рангстась каштом икелев туезь аванстэнь: «Мама! В супе калго!» Кить ульнесть марицянзо, пазось соды. Ансяк велень келес церанть истя лемдизьгак: «Супе калго». Те кудо лемесь кадовсь эйкакшонстэньгак, нуцьканстэньгак. Савкшнось марсемс: Африкасо ули истямо раське, конань кельсэ арасть ламонь числат. Эрявиндеряй меремс аволь вейке – седе ламо, сынь теке валонть евтасызь кавтонь кирда. Сёрмадомсто тень невтьсызь 2 цифранть путозь. А вана кортамсто неть кавтонь кирда ёвтазь валтнэ пек явить те келенть лиятнень эйстэ. Тыненк те мездеяк а корты? Минек эрзянь келесь кавтонь кирда валтнэсэ сюпавдояк сюпав! Ледстник: Сельметь-чамат. Прякат-сюкорот. Прят-серькат. Курмот-кармот. Якась-пакась. Оршамс-карсемс. Карть-пракстат. Ававт-урьват. Юв-яв. Кудот-чить. Эрзязь-аштезь. Лутков-латков. Витемс-петемс. Койть-кирдат. Киштезь-моразь. Атят-сэрдят. Кевть-човарт. Сюрдов-сярдов. Тестэ-тосто. Тупор-тапор. Кепе-штапо. Патят-ялакст. Рузонь кельсэ вастневить бути ансяк «жили-были» ды кой-зяро лият. Теяк сеедьстэ ансяк ёвкссо-косо. Учёнойтне-лингвистнэ апак кавтолдо кортыть: неть кавонзазь валтнэ «совасть» рузонсентень финнэнь-угрань кельтнестэ. Икелевгак, эрзянсенть эйстэ. Текенень, эзь савкшно превезэнк, косто саевсь рузонь кельсэ «соха» валось? Мекс сон тосо урозокс ашти ськамонзо? Рузтнэ кортыть: Пахать. Пахарь. Орало. Оратай. Сень кис эрзякс: Сокамс. Сокордамс. Сокиця. Теке мазысь «матрас» валонть марто. Рузкс смустезэ «ацавкс», ды весе. Эйстэнзэ лия валт эзть тееве. Сень кис эрзякс: Матрамс. Матратотсь (лепштязь таркаванть вересь лоткась якамодо). Мекс рузкс «ведро»? Ведесь сынст «вода». Мокшокс ведрась «ведарка» (ведь тарка). Чарькодиде? Эли саемс рузонь «Варежка». Алкукс-арась рузонь? Сынст улить: «Рукавицы. Перчатки» (перст-сур). А вана эрзянь «варьгат» – кедьс тонгомат, косо ансяк вейке сур ашти лиятнеде башка, эйсэст вейке «сур варя». Мезде кортыть «грабли» (эрзякс «гобрят», гоборямс»). «Кочерга» (эрзякс «коцькерьган», «коцькердамс»). Несынк, косо икелевгак чачсь те эли тона валось ды кона келесь седе умонь? Теде седеяк парсте кортыть ламо тарка лемтне. Саемс оштнень: Рязань (Эрзянь), Арзамас (Эрзямас), Воронеж (Вирень неже), Тула, Пенза, Муром ды лият. Лейтненьгак, конатнень покштятне лемдизь Толга, Покша, Унжа, Сура, Инсар, Тулома, Кинель… Тень кувалма каштанчинь марязь, койсэнек, лоткатано келенек тунь а эрявикс валсо пештямодо. Арседе. Кода колыть келенть «што», «штобу», «жо» рузонь валтнэ. Нардынк ды тынь несынк, кода ванськады-шождалгады валрисьмесь. Ёвтазесь карми седе парсте чарькодевеме. Пейдемс эли авардемс радио вельде марязденть: «Минек кунсолыцятнень ламочист седеяк кассь»… – мекс а евтамс нурькинестэ: «… кунсолыцянок ламолгадсть»… Эрзянь кельсэ ламо валтнэ теевсть кавто-колмо лиятнень вейс валовозь-сюлмавозь. Саты ансяк ледстямс, ды тынсь чарькодьсынк, мезде сынь кортыть: Ёндол. Лисьмапря. Килейбуло. Инегуй. Пекекедь. Киуло. Кудыкелькс. Ведьгев. Кирьгапарь. Одирьва (од Уре ава). Сельведь (сельме ведь). Шумбрачи. Ярсамопель. Азорава. Инязор. Товзюро. Вайгельбе. Эйзюро. Пильгалкс. Мельспаро (Мельсапаро). Модамарь. Пиципалакс. Нолготуло. Цёканьзюро (кочедык). Штатол (свеча). Маризь Кемаль поэтессась корты: истямо «авардемс» валоськак. Авардемс – ава тердемс. Эйкакшось аварди – «ава терди». А уш зняро эрзянь кельсэ эрьва кодат валмеревкстнэде! Сынь ладсезь эрямодо-аштемадо, важодемадо-вечкемадо, паро ды берянь койтнеде. Мезе видят, секень нуят. А пандат – а кандат. Мельс а туят – лездыцят а муят. Сельмтне пелить, кедтне теить. Максындеряйть тенть ленге, тон пандт кшнасо. Сонсь а неи, мезе теи. Лиясто нурька валрисьмесэ, вишка морынесэ ёвтави пек ламодо. Теке марто ломанесь аволь свал чарькодияк, кодамо питне тензэ путыть. Пулонзо стявтызе. Пулонзо нучкизе. Пулонзо шлизе. Те мезе, кискадо? Эли ломанень обуцядо? Секень валт, виде ули омбоцесь. Сеедьстэ лемесь апак ёвта чарькодеви, киде моли кортамось. Новольсь понкс. Автень курго. Нузякс кандо. Сырнень прев. Пулот алга ведь валы. Мийтянзат-раматанзат. Эсь валонок улезэ, велень келес туезэ… Паряк, ламо ледстнемскак а эряви – саинк кедезэнк Ч.Журавлёвонь «Арсемат ды ёжот» книганзо. Тозонь кельгстязь валмеревкст, нурькинедеяк нурька стихсэ ёвтазь домка арсемат, превс путомат, конатнень поэтэсь пурнась ламо иень перть. Вана истят: «Виесь солы, мазысь олы, – парось кадови ды а прядови». «Мень те азор, мень те прявт, зярдо прянзо потсо лавт?». Тосо невтеви сонсь ломанесь эрямонь весе ёнкстнэстэ. Аволь аламо алтазь тиринь келентеньгак. Вейкесь эйстэст истямо: «Зярдо стувтсынек тынь, костонь, кить ды кинь? Ёматано минь». А эдь алкукскак ёматано: стувтындерясынек эсенек ундокстнэнь. Карминдерятано виздеме эсенек кельде-раськеде, ёмавтсынек весе вадрянть, мезенть кадызь тенек покштянок-сырькаенек. Варштадо эсенк перька, мезесь моли истя, мезесь – мекевланк. Путынк виенк вадрянть, лезэвенть ванстомга. Илинк максо покордамс, нарьгамс эсенек раськенть, келенть. Видьстэ меремс, эсь прянк. Невтинк, эрзятне – паронь арсиця ломанть. Минек кельсэ арасть тейтерь-авань покордыця сёвномат, визьксстэ сюдомат. Кода ёвтавкшны мельспарось ды чумондови берянь ломанесь? Прахось саевлинзить. Келеть коськезэ. Кирьгапареть потомозо. Ваце куво. Нолготуло. Эсь прязот улезэ, эстеть велявтозо. Лисни, кежень савтозьгак эрзятне пряст маряст ломанькс… Ёвтазентень поладса: мон аволь учёной, аволь тонавтыця. Нурькинестэ меремс, – журналист. Тесэ сёрмадынь седе, мезде свал анокан кортамс эсь раськеденть, васняяк, тиринь кельде, куш кинь икеле. Мезде ризны-талны седеем. Кеман, ловныцятнестэ эрьвантень ули мезе поладомс тенень, редямс ды невтемс лия паро ёнкст перть-пельганок уликсэнть-вастозенть эйстэ. Вейке-вейкень апак покорда. Т.Ковалёва, Россиянь ды Мордовиянь культурань заслуженной роботник
Сыресь Боляень: Пек парсте сёрмадозь!!! Седейстэ чуди... Ялгат, бути кие соды косто ловномс Т. Ковалёвань, теде башка сёрмадозенть, ёвтадо!!!
Танюш: Сыресь Боляень пишет: Ялгат, бути кие соды косто ловномс Т. Ковалёвань, теде башка сёрмадозенть, ёвтадо!!! На Эрзянь ки была опубликована ещё одна ее статья: click here
Сыресь Боляень: Спасибо, Танюша! Прочитал. Мне бы хотелось что то на эрзянском. Если есть подскажи, пожалуйста...
Танюш: На эрзянском больше ничего не попадалось, к сожалению. Если что-то найду интересное, сообщу.
Паол-маол: мон гак ловновлинь бу...
Танюш: Отзыв на статью click hereТ.М.Ковалёвой "Тынь кортатадо эрзякс?" Тиринь кельде мельть-арсемат Ковдо теде икеле сынь Финляндиясто, ков якинь церам туртов инжекс. Сон тов кучозь важодеме. Мелят, васенцеде молемстэнь, пек талнынь масторонть келенть-лувонть а содамонзо кувалма. Туеме анокстамстон ловнынь масторонть историядонзо, культурадонзо, неень шкань тевдензэ. Раминь «разговорник» косто снартнинь тонавтнемс койсэнь сехте эрявикс зярыя валрисьметь. Ней, омбоцеде сыргамстон, истя уш эзинь тално. Содынь, сехте покш тевекс тень карми нуцькинень ваномась. Энялдомань, лезксэнь вешемань валрисьметнень (кенкшень кирдемадро, крандазкень кепедемадо, рамамсто эрявиксэнть кевкстемадо, эседень кой-мезень евтамодо) тевс нолдтнемс а савить – тосо весемесь арсевтезь-ладязь ломантнень туртов педе-пев. Васов, покш тевс ськамон а нолдасамизь – кисэнь весементь толковасызь церам, важодиця ялганзо, урьвам. Секс эзинь сае мартон валкс, эзинь одкстомто финнэнь келень «содамочинь». Ды понгинь… Ливтьса нуцькинем ушов, сон эйкакшонь кельсэнзэ лапаксы, уски кискань ветниця азортнэнь юткс, сырги налксиця эйкакштнень ваксс. Ломантне снартнить мартонзо налксемс, калярдовольть. Минь, сырькайть-нуцькат каршост каштмольтяно. Сон – кортамо эште а маштоманзо, мон – асодамочинь коряс. Марявсь, мик жалязь лангозонок ушодыть ваномо. Монськак кунсоломстост а чарькодян – каня шныть, каня севныть. Куш ушовгак иля лисне. Тесэ тердимизь инжекс. Монь, ськамон. Теде мейле весемесь полавтовсь. Идимим тиринь эрзянь келем. Сонзэ содамонть коряс таго мария пряс лезэвекс, эрявиксэкс ды… превеекс. Толковаса, мейсэ тевесь. Ули Библиянть масторлангонь весе кельтнесь ютавтомань Всемирной институт. Финно-угрань кельтнес ютавтомань институтонь пельксэсь Финляндиясо. Тосто ламо иень перть сакшныть ломанть Мордовиявгак. Ламот содыть, эрзякс нолдазь «Новый Заветэсь» (Од Вейсэнь лувось), ней анокстави Ташто Вейсэнь лувось. Ютазь иестэ теевинек содавиксэкс енонок сакшныця Риитта Пуукко марто. Хельсинкисэ улемстэнь гайневтинь тензэ, вастовинек. Риитта ломанесь чевте обуця, мелень ваныця, теизе весементь монень прям енсто марямонть туртов. Ялатеке ламоксть савсь эсь потмован кирдемс визькс ды апаро. Секс, мекс минь, эрзятне а ловтано питнеекс ды а вансттано покштянок-бабанок таштавкс ды тенек казезь сюпавчитнень – культуранок, коенек, келенек. Рииттань квартирань икельце нупальсэнть пель стенань келес аштиця шкафось пештязь эрзянь книгасо – художественной произведеният, валкст, альбомт. Теке стенасонть, сехте неявикс таркасо понгавтозь карть, лавця лангсо чувтосто керсевкст, ленгестэ кодавкст, карьстэ ставкст. Сон тень весе пек вансты, тонавтни, нолдтни тевс, пря шны корязост тензэ сакшныцятнень икеле. Эськан тешкстыя: визьксчамас а понгомга, Рииттань Мордовияв самонтень эрзянь книган монгак таргасынь сехте неявома лавцятнень лангс, «модной» таташкатнень таркас ладсесынь-понгавтсынь керсевкстнэнь-кодавкстнэнь. Аванзо умокто умонь кодавкс кружованть (кшнинь койка крайга икеле понгавтневиця подзортнэнь кондямосонть) мазылгавты паникудонь вальманзо. Аванзо викшневксэсь саезь кундос ды понгавтозь стенас. Неень шкань диванонть-креслатнень песэ ашти артовкссо одкстомтозь покш горобия. Сонзэ, кода сельмс а каявиця стултнэнь, паникудосо диванонть теекшнинзе тетязо. Витькстатано, минь кодамо тарка явинек весе тенень?! Институтонь офиссэ вастымизь азоравась Анита Лааксо. Рузокс ванькс кортамонзо кенярдозь ды дивазь кунсоломстонзо вановтом пезнавтовсь кенкшенть каршо стенансонть понгавтозь артовксонтень. Эйсэнзэ невтевиця кши-сал марто вастыця кавто тейтерь-аватнень эрзянь оршамопелест содынь сеске. Ансяк мезе-бути пек малавикс кундынь чамастосткак. – Ульнинек Дубенкасо, тостонь фотографиятнестэ теинек артовксонть, – толковизе Анита. Ваксозонок сась лия важодиця, омбоце, колмоце – весе пек парсте кортасть рузокс. Кевкстнесть, евтнесть, невтнесть. Мейле Риитта (тейтерь-авась парсте соды ламо кельть, ютксост минексеськак) марто кортавтымизь эрзякс – покш мельсэ кунсолость, кенярдозь тешкстасть финнэнь келентень малавикс валтнэнь. Сынь ламо содыть минек культурадонть, койтнеде, покш бажамост содамс седеяк ламо малавикс раськеденть. Вастовоманок таргавсь чокшнес, поладовсь омбоце, колмоце чистэяк. Эзть сода, кода тень савтомс, перькан велямсто весе тевест кадызь. Ды те весе ансяк секс, мекс мон – эрзянь раськестэ, истямо тенст малавикс, эрявикс, питнейдеяк питнеекс ды мазыйдеяк мазыекс лововикс – эрзянь кельсэ кортыцян. Чарькодеви, монь прямгак веляськадсь покштояк покш каштанчиденть, мельспародонть весе эрзянсенть коряс. Ансяк бу а манявтомс учомаст… Финляндиясто самодон мейле кавто недлянь ютазь тердимизь тиринь Таразбуень школань ламо иеде икеле прядыцятнень вастовомантень. Шумбракстнемат, вейке-вейкень содамот, течинь тонавтницятнень вийсэ теевсть мазый концертэнь ванома… Мейле ветицясь те иестэ школанть прядыцясь пшкадсь покштнэнень энялдома марто евтнемс эрямонь кидест, путомс сынсткак превс уцяскань покш ки лангс эскельдямстост. Васенцекс вал максозель монень, кода сазетнестэ школанть сехте умок прядыцятнестэ вейкентень. Весе те евтазель рузокс. – Тамашань тевть! – ушодынь мон. – Аламо, эрян Саранскойсэ, косо свал кортан эрзякс, аволь умок велявтынь Финляндиясто, косо ковонь перть кортынь тиринь кельсэнь финнтнэнь марто. Ней, чачомань лавсьсэнь, таразбуесэнь, кармавтадо кортамо рузокс?! Залось раказевсь, цяпазевсь ды евтнематне ушодовсть эрзякс. Виде, кортыцятне ламо валтнэнь полавтсть рузонсетнесэ, кода уш тенст тонадовсь. «Эрзянь правдань» январень 14-це номерсэнть печатазь Т.М.Ковалевань «Тынь кортатадо эрзякс?» покш статьязо. А карман одс евтнеме эйсэнзэ сермадозденть. Аволь секс, мекс эйстэнзэ газетань лопа. Сехте пек секс, мекс покш мелем – кадык весе одс кепедьсызь те номерэнть ды педе пев ловносызь сермадовксонть. Ютавтсызь эрзянь келень а содыцятнененьгак. Эдь авторось ушодсь ине кортамо ламонь талновтыцядонть, ансяк толковамс малав а кепсевицядонть, а таргсевицядонть. Монсь бу путовлия кедем эрьва мереманть алов. Васень строчкатнестэ саезь «салымим» авторонть мазый, ванькстэяк ванькс эрзянь кельсэ сермадомань лувось. Седе тов эрьва евтавксонть карминь онкстамо эсень лангсо. Видеяк, моньгак а весть покоримизь эрзякс марямга кортамом кисэ, зярдо эйстэнек а васоло ульнесть ава лемсэ верьга вайгельть севнцят. Ней жо эйзэнь а пецить – нать, марить истят «культурнойтне» вием сатыть сынст лоткавтомс. Пек талновтыть эйсэнь вейке келень теемадо снартнематнеяк – седе паро улевель ванстомс эрзянь ды мокшонь кельтнень башка-башка чарькодицятнень. Жаль марявить школасо, вузсо келень тонавтницятне сермадомань секе тев полавтневиця лувдонть майсемаст коряс. Седеяк пек, рузонь школатнесэ келенть снартнить тонавтневтемс ансяк факультатив вельде. Лия раськень эйкакштнень «весе мордовскойденть» седеест саемадонть башка те мезеяк а максы. «Программань частнэнь» а сатнеманть пингстэ келенть а токшема. Седе паро ули вишкинетнень теевтемс содавиксэкс культуранок, историянок марто. Оценкасо мелест апак кольстя. Ламодо мезде кортамаль, ансяк кадык весементь арсевтьсызь тень туртов ладязь ломантне. Нама, эрзянь ды мокшонь кельтнесэ кортыцятнень, раськедест седеест ризнэвтыцятнень мелест кунсолозь. Т.Рябова, журналист, Мордовиянь культурань заслуженной роботник.
Эрзянь нилькс: Танюш пишет: Т.Рябова, журналист, Мордовиянь культурань заслуженной роботник. = кулянь сёрмадей, мазыксчинь арневть важодиця.
Танюш: Эрзянь нилькс, сюкпря, витнян!
Миколь: Танюш поместила статью Т. Рябовой: ....Рииттань квартирань икельце нупальсэнть пель стенань келес аштиця шкафось пештязь эрзянь книгасо – художественной произведеният, валкст, альбомт. Теке стенасонть, сехте неявикс таркасо понгавтозь карть, лавця лангсо чувтосто керсевкст, ленгестэ кодавкст, карьстэ ставкст. Сон тень весе пек вансты, тонавтни, нолдтни тевс, пря шны корязост тензэ сакшныцятнень икеле. Эськан тешкстыя: визьксчамас а понгомга, Рииттань Мордовияв самонтень эрзянь книган монгак таргасынь сехте неявома лавцятнень лангс, «модной» таташкатнень таркас ладсесынь-понгавтсынь керсевкстнэнь-кодавкстнэнь.... Т.Рябова, журналист, Мордовиянь культурань заслуженной роботник. Не знаю прав я или нет. Но большинство патриотов нашего народа. да к стати и других - люди занимающиеся проффесионально вопросами культуры, того или иного народа. Здесь наглядно это видно. И это хорошо, что нашлись люди, которые имеют заработоко от той или иной культуры, так как она благодаря им сохранится. Но наша с вами задача абсолютна другая, как нам донести вот эту любовь, которая кормит, до рядового эрзянина, которого это не кормит. Наша беда в том, что мы патриоты, специалисты: журналисты, культурологи, историки и пр. видимим одно, а народо этого не видит. Ему дай хлеба, дай средств на существование. Вопрос как сблизить вот эти два конгломерата - народ и тех кто зарабатывает на этом, у кого это патриотизм, а у кого это хобии, а тут жизнь. Как соединить все и как завести рядового представителя нашего народа. чтобы он мыслил, так же как финка, как Рябова, как Эрюш Вежай, как Танюш, как Семен, как прочие патриоты, как?
Эрзянь нилькс: Миколь пишет: как? Ежедневно стремиться что-либо делать для сохранения своего народа и языка. Думать и делать. Думать и делать. Думать и делать.
Сыресь Боляень: Течи Весемасторонь Тиринь Келень чи! Те чись тешкстазь кода тиринь келенть покшчи, ЮНЕСКОнь ерекмелень кувалт 2000 иестэ. Те чинть тёкшмелесь - тергемс ломантнень велявтомс мельпутомаст тиринь келенть кирдеманте – вельмавтоманте.
Семен: ВЕЛЕ переводится буквально так: ве-единое (одно) , эле – пространство (ограниченное, чем то) , то есть родившиеся в том или ином месте. На моей родине есть местность под названием СЕЛЕЛЕЙ, мой земляк П.Любаев предложил трактовку как СЕЕЛЬ ЛЕЙ - река у которой жили ёжики. Во мне были сомнения в правильности этой версии, и искал настоящее значение до тех пор, пока не понял значение слова ЭЛЬ, а точнее его ограничение ГОРАСОНТЬ - Горизонтом. А теперь ближе к делу, открою карты зачем такое длинное вступление делал!!)) Слово СЕЛО - чисто эрзянское СЕ = то, ЭЛО немного измененное ЭЛЕ!! СеЭЛЕ = ТО СЕЛО(Любое другое село, кромье своего), другими словами ВЕЛЕ - место рода или односельчан, а СЕЭЛЕ(О) место другого рода. А СЕЛЕЛЕЙ = СеЭленьЛей - река другого села. Слово ГОРА, так же чисто эрзянское, об этом позже.
Эрзянь нилькс: Семен пишет: Слово СЕЛО - чисто эрзянское СЕ = то, ЭЛО немного измененное ЭЛЕ!! СЕЛО= SE+ELO (suom.)= se (suom.)=1) он,она,оно; 2) тот, та, то; этот, эта, это + elo (suom.) 1) Жизнь, 2) Жито, Хлеба
Эрзянь нилькс: Семен пишет: На моей родине есть местность под названием СЕЛЕЛЕЙ, мой земляк П.Любаев предложил трактовку как СЕЕЛЬ ЛЕЙ - река у которой жили ёжики. Селелей = селей+лей (вяз+река). = Вяз река, Вязовая река, река, по берегам которой рос вяз. К примеру, аналогично, в окрестностях моего села текут реки: Пекшелей (Липовая речка) , Нупоньлей (Моховая речка), Карголей (Журавлиная речка), Букалей (Речка, начинавшаяся от Бука лисьма).
Семен: se (suom.)=1) он,она,оно; 2) тот, та, то Еще интересно, какой народ древнее эрзянский или суомский??))
Эрзянь нилькс: Семен пишет: Еще интересно, какой народ древнее эрзянский или суомский??)) Кода раське, койсэм, эрзя раськесь седе кезэрень-умонь. Суоми раськесь, кода вейкине раське теевсь аволь умок сумь, ямь ды карьяла раськетнень эйстэ. Седе пек сестэ, зярдо неть раськетне ульнесть руотси-свентнэнь (швед) кедь ало.
Семен: Эрзянь нилькс пишет: Кода раське, койсэм, эрзя раськесь седе кезэрень-умонь. Суоми раськесь, кода вейкине раське теевсь аволь умок сумь, ямь ды карьяла раськетнень эйстэ. Седе пек сестэ, зярдо неть раськетне ульнесть руотси-свентнэнь (швед) кедь ало. Неть весе тевтне, суоминь раськень чачоматне човорясть келест, секс-мекс (кода мордовиянь правительствась корты))) Суоминь кель лангс пек ваномс аэряви. Эзть кадово сынст кельсэ кезеринь пингень чарькодематне. Ансяк кадовсть валтэ.
Эрзянь нилькс: Семен пишет: Эзть кадово сынст кельсэ кезеринь пингень чарькодематне. Ансяк кадовсть валтэ. Тень коряс мон мартот аволь вейке мельсан. Кадовсть. Ламо. Мон аламодо содасать суоминь келенть. Ды сынь пек парсте теизь неень шкань келест. Лия раськетнень коряс, сынь эзть сайне валтнэнь лия раськень кельстэ. Весе римень-грекень терминологиянть (малав весе, нама) ютавтызь эсест кельс. Тень коряс сынь, суомитне, миненек аштить невтемакс.
Семен: Эрзянь нилькс пишет: К примеру, аналогично, в окрестностях моего села текут реки: Пекшелей (Липовая речка) , Нупоньлей (Моховая речка), Карголей (Журавлиная речка), Букалей (Речка, начинавшаяся от Бука лисьма). Возникает один вопрос(вейке):))) Как известно эрзянский язык Агглютинативный язык, слово образуется из отдельных слов обозначающих чего либо к другому такому же слову, например ВедьАВА (ведь-вода), (Авав-мать) или Пекшелей (ПЕ- конец) (Кше-хлеб) (Лей река). 1 Не произошло ли название СЕЛЕЙ (вяз) от се+лей (та река) или с той реки принес это (условное ) дерево, не выходит ли из этого, что названия пространства (территорий) первичны ?
Эрзянь нилькс: Семен пишет: что названия пространства (территорий) первичны ? Не думаю. Мышление и понятийный аппарат человека развивается от простого к сложному. Рек много. Поэтому эрзя обозначает их по тем предметам, которые рядом с ними. Поэтому: Пекше+лей, Нупонь+лей, Карго+лей. Это когда он сам, эрзя, называл безымянную речку. Если он приходил на реку, название которой он услышал от ранее жившего здесь народа, то заимствовал услышанное имя реки. Пример также из рек нашего села: Сургут (видимо башк.) лей, Шунгут (аналог.) лей. Мои предки купили эту землю у башкирского бая за 300 руб. золотом в 1752 году.
Эрзянь нилькс: Семен пишет: вейке):))) Как и где сохранилось слово veike = один (эрз.) в финском языке? И приезжали в Петербрг на масленицу финны и катали горожан на ВЕЙКАХ. (Зимняя повозка, запряженная одной лошадью.)
Семен: Тогда вернемся немного назад и я, переспрошу: Слово СЕЛО - чисто эрзянское СЕ = то, ЭЛО немного измененное ЭЛЕ!! СеЭЛЕ = ТО СЕЛО(Любое другое село, кромье своего), другими словами ВЕЛЕ - место рода или односельчан, а СЕЭЛЕ(О) место другого рода. Что с этим вариантом есть логика или нет? Ответ был не совсем конкретен. а основная мысль в моем посте была именно эта.
Эрзянь нилькс: Семен пишет: Слово СЕЛО - чисто эрзянское СЕ = то, ЭЛО немного измененное ЭЛЕ!! СеЭЛЕ = ТО СЕЛО Тень марто мон мартот малав вейке мельсэ. Мекс малав? Эряви седе товгак арсемс-теемс. Эрьва меленть-арсеманть эряви эрьва ёнга велявтнемс-варчнемс. Вейке мельсэ-арсемасо, кодамо видекс сон теть сеск а неяви-маряви, видесь-видечись а панжови. Эряви арсемс. Арсемат парт. Эрзянь кельде мелявтыть!
Танюш: По-моему, логика есть. Мне этот вариант понятнее и ближе: СеЭЛЕ = ТО СЕЛО = то пространство)))
Эрзянь нилькс: Танюш пишет: По-моему, логика есть. Мне этот вариант понятнее и ближе: СеЭЛЕ = ТО СЕЛО = то пространство))) Верно. Но не нужно забывать, что слово САДИТЬСЯ, СЕСТЬ есть не только в русском, но и в других славянских языках.
Семен: Эрзянь нилькс пишет: Верно. Но не нужно забывать, что слово САДИТЬСЯ, СЕСТЬ есть не только в русском, но и в других славянских языках. Для меня из этого следует одно, слово пришло из одного источника, но по какой то причине вошло во многие языки.
Семен: Танюш пишет: Мне этот вариант понятнее и ближе: СеЭЛЕ = ТО СЕЛО = то пространство))) Надо отдать должное языку суоми за уточнение, ЭЛЕ = жизненное пространство, людей одного рода, ВЕ ЭЛЕ, ВЕ-ЭЛЕНЬ
Танюш: Стоит еще проанализировать, насколько много производных от этого слова в языке (однокоренных слов). Мне кажется, если однокоренных много, то это уже может служить доказательством того, что это слово изначально появилось именно в этом языке
Семен: Танюш пишет: Мне кажется, что если однокоренных много, то это уже может служить доказательством того, что это слово изначально появилось именно в этом языке Я считаю это достаточно убедительным доказательством. Пример: Пылает = Палы - палсь- палозь- палат- палыть
Танюш: В журнале "Чилисема" №1 за 2010 год мое внимание привлек перевод на эрзянский язык сказки "Вершки-корешки", сделанный эрзянином из Санкт-Петербурга Юрием Шаляевым. Перевод предворяло замечательнейшее обращение Юрия, в котором он с большой любовью и тревогой говорит об эрзянском языке: Шумбратадо, «Чилисемань» арневикс теицятне! Сёрмады тенк Петербургонь эрзя. Чачомань коряс мон Саран ошсто, Петербургов эрямо ускимизь вишка-пингстэ. Ялатеке седеем пельксэзэ кадовсь Эрзянь Масторс. Эрьва кизна сакшнынь авань чачома велев (Госагырэв, кона Покш Березникень районсо). Секс аламодо тонадынь эрзякс кор-тамо. Пек ацирьгавты эйсэм, мекс эрзятне иеде иес рузыить. Видьстэ меремс, сельгенить келест ды коест лангс. Теке кулыредьстэ ломань, кона а несы — эль сявори латконтень. Теде мон содан аволь ломань пельде — эсь эрямостонть неян. Минек раськень од ломантнень ютксто ве мон аламошкадо ловнан-сёрмалян эрзякс. Лиятне ансяк чарькодить ды мельде-валдо кортамо маштыть. Эрзянь келентень седе покш мелень явомо карминь седе мейле, зярдо чачсь вишка тейтеренэк. Седе икеле чуросто савкшнось Петербургсо эрзякс кортамо. Ней ули кунсолыцям. Ушодынь тонавтнеме кода маштан: валкс марто ловнан «Сятко», тынк журналонк, эрзянь кельсэ книгат. Апак покшкавтне мерян: ютазь иень перть ков седе парсте карминь эр-зякс чарькодеме ды сёрмадомо. Эрьва шкасто снартнян тейтерем марто эрзякс кортамо. Тонады — покш мельспаро сови седейзэм. Зярдо чокшне ланга кодаяк а сы тензэ удомась, мон ёвтнян тензэ ёвкст. Ёвтнемстэ сеске ютавтнян эйсэст эрзякс. Эрзянь ёвкс марто кодамояк книга кедезэм эзь понгоне. Секс сыремсь прясон истямо мель — ютавтозь весе ёвкстнэнь пурнамс вейс, сёрмадомс, илязт стувтово. Ушо-дынь вейке содавикс ёвкссто — «Верькст-алкст». Пек тусь мелезэм. Теке марто ловныя сонзэ мариень сёрмадыенть С.Г. Чавайнэнь книгастонзо. Лисни, те ёвксось аволь ансяк рузонь. Улема, эрзяткак ёвтнесть эйдест туртов истят. Нурькинестэ меремс, саинь мель пачтямонзо тыненк. Паряк, маштови козоньгак. Илядо арсе — мон покшкавтнян, снартнян арамс алкуксонь автортнэнь юткс. Малавгак а истя. Те ютавтомась седе пек эряви эстень, тонавтнемань кис. Юрий ШАЛЯЕВ, Санкт-Петербург ош
Эрзянь нилькс: Арсетяно КЕЗЭРЕНЬ эрзянь валдонть. Косто сон саевсь? Кизэ+эрень (эрянь)= лисни: умонь, ламо кизэнь эрянь шкань. Пек мазый эрзянь валось! Кода мазыйстэ гайги: КЕЗЭРЕНЬ! Аволь валгак, мик моро, конаньсэнть маряви минек келенть гайгемань мазычизэ.
Семен: ЭРИЙ ВАЛОНТЬ РУЗОКС КОДА ВЕЛЯВТОМС? ЭРИЙ= ?
Эрзянь нилькс: Семен пишет: ЭРИЙ= ? житель, существующий
Семен: СЕРГУ,Моне Тонть кис визькс. Статьят сёрмадат, ломаньсэ тонавтат, а истят ошибкат тейнят...."ЭРИЙ" истямо вал эрзянь кельсэ арась! ЭРИЙ те рузокс сёрмадозь тешкесь Й наподобие ЖИВО(Й) валось ошибка! Тосо эряволь сёрмадомс ЭРИ=живой= живёт. КИСКА МОКШОНЬ ВАЛОСЬ! Эрзякс карми ПИНЕ.Тонавлек, пока мон тесэ! Вана истя монь тонавтыть....
полная версия страницы