Форум » Эрзянь кель /Эрзянский язык » Содамоёвкст - Загадки » Ответить
Содамоёвкст - Загадки
erzianj : Кемгавтово орёлт, ведьгемень кавто чавкат, колмосядт кодгемень вете озязт — вейке ал алыястъ. (Ие.) Вальма лангсо ашо катка ашти. (Чись.) Ливти сёлмовтомо, чии пильгевтеме. (Чись.) Орта велькска сивой айгор ваны. (Ковось.) А стуки, а урны — ашо сэдь теи. (Якшамо.) Яки пильгевтеме, кирди кедтеме, ютыцянь сивес кунды. (Варма.) Ушосо стуки, кудос а сови. (Варма.) Вирьстэ серьгедсь, пандсто верьгедсь, тусь иневедень томбалев. (Пурьгине.) Мезе безменьсэ а онкстави? (Качамо.) Кудодо кудос якстере атякш яки. (Тол.) Монь ули букинем, Казаньс саты пулозо. (Ки.) Тенсян — а тенсеви, керсян — а керсеви, кундсян прянзо —а макссы. (Сулей.) Вирьга молян — цят а мери, ведьга молян — шоль а мери. (Сулей.) Кавонест карадо-каршо ваныть, зярдояк вейс а васодить. (Лей чиреть.) Тейтерь мольсь ведень кандомо, прась сиянь сурксозо; ков неизе — кадызе, чи неизе — саизе. (Роса.) Ниле роботыть, Акулина кишти. (Алашань пильгть.) Теленек-кизэнек яки шубасо ды суманьсэ. (Реве.) Сонсь а сэреди, сонсь кувси. (Туво.) Мезеяк эзь ёмавто — сонсь вешни. (Сараз.) Кавксть чачсь — апак лемде. (Ципака.) Кедтеме, узертеме — сонсь кудо теи. (Нармунь.) Кудо пряс мезе а ёртови? (Толга.) Пакся куншкасо почт вакан. (Нумоло.) Кудо чапи уголтомо, реветь пани пуловтомо. (Мешке ды мекшть.) Ливти — пижни, валги — мода чуви. (Укска.) Вирь чирссэ пуре парть. (Коткудавонь пизэть.) Кизна шубасо, тельня штапо. (Чувто.) Мезе вирьсэ а неяви? (Чувтонь седей.) Весе бояртнэ кайсизь шубаст, ве боярось эизе кая. (Пиче.) Кизэнек-теленек од цёра. (Пиче.) Вишка чакшке, тантей кашине. (Пеште.) Кудонь трокс мезе а ёртови? (Комоля.) Кенкштеме, вальмавтомо, потсонзо эрить ломанть. (Куяр.) Прась макинешка, сась дигинешка. (Капста пря.) Сонсь вишкине, лангсонзо сядо оршамот. (Капста пря.) Мода потсо атине, сакалонзо ушосот. (Кшумань.) саезь М.Е. Евсевьевень сёрмадовкснесте
Ответов - 4
chuvashon_erzja: Теинь лопа содамоёвксонь коряс.
erzianj : chuvashon_erzja пишет: Теинь лопа содамоёвксонь коряс. пек паро!!! мазы! истямо вана тевесь - вальмасонок мелькужонть эряви теемезе одс, ды веси улевель минек вальмасонть (паргось), тесе минек архивенек-паргонок арась. кода тень коряс арсетад? тейсынек тосо одс, ды эрьвась, кие сёрмалесь - тов путсынзе сёрмадовкснень.
chuvashon_erzja: erzianj пишет: тейсынек тосо одс, ды эрьвась, кие сёрмалесь - тов путсынзе сёрмадовкснень. Путсыне. Койсем ,теньгак (http://erzianj.borda.ru) кадомка ды теимка од вальмасонть(лопасонть) невтема(ссылка) сондзэ лангс.
erzianj : chuvashon_erzja пишет: Путсыне. Койсем ,теньгак (http://erzianj.borda.ru) кадомка те карми панжадо (ансяк эйсензе мезеяк а сёрмадат) -карми максозь налткэсь(ссылка) ков ардсь минек мелькужонок.
полная версия страницы