Форум » Инязоронть мереманзо, тевконёвонзо /Постановления, документы Инязора » ДОКУМЕНТЫ ЭРЗЯНЬ ИНЯЗОРА » Ответить
ДОКУМЕНТЫ ЭРЗЯНЬ ИНЯЗОРА
Эрзянь нилькс: СЮКОНЯМОВАЛ эрзятненень, кить 2010 иень Рузмасторонь келева эрицянь сёрмадстомсто-тештнемстэ сёрмадызь эсь пряст ды эйкакшост-ласькест ЭРЗЯ раськелемсэ. Вечкевикст эрзят! Мельвановикст эрзянь ломанть! Седеенек-ойменек пельде ёвтатано тенк, эрзят, ине СЮКОНЯМОВАЛ весеменень, кие Рузмасторонь келева ютавтозь эрицянь сёрмадстомсто-тешкстнемстэ сёрмадызе раськелемензэ ЭРЗЯ. ЭРЗЯ лемсэ сёрмадстомась – те эрьва ЭРЗЯНЬ ломаненть ине путовксозо ЭРЗЯ раськенть ванстома тевс. Ванстсынек ЭРЗЯ леменк, ЭРЗЯНЬ келенек – ванстови ЭРЗЯНЬ РАСЬКЕСЬ ДЫ ЭРЗЯНЬ КЕЛЕСЬ. Пильгс-модас сюконятано тенк, эрзянь ломанть, инень ине тевенк кис! Уледе эрзякс! Эрядо эрзякс! Кортадо эрзякс! Ванстодо Эрзя леменек, Эрзянь келенек! Пиргуж – Эрзянь Инязорось, Эрзянь Тёкшатянь Эземесь. 2010 ие, ожоков, 26 чистэнть. БЛАГОДАРНОСТЬ ЭРЗЯНАМ, записавшим в период всероссийсой переписи 2010 года свою национальность и национальность детей и внуков – ЭРЗЯ. Дорогие эрзяне! Выражаем сердечную благодарность всем эрзянам, кто в период всероссийской переписи населения 2010 года записал свою национальность – ЭРЗЯ. Каждый, кто записал свою национальность, ЭРЗЯ, сделал огромный вклад в дело сохранения ЭРЗЯ народа. Сохраним своё имя ЭРЗЯ, ЭРЗЯНСКИЙ язык, значит и сохраним ЭРЗЯ народ. Низкий поклон вам, люди, за великое доброе дело! Будьте эрзянами! Живите своим умом! Говорите по-эрзянски! Храните своё имя – ЭРЗЯ и ЭРЗЯНСКИЙ язык! Пиргуж - Инязор Эрзя народа, Совет Старейшин Эрзян. 2010 год, октябрь, 26.
Ответов - 4
Эрзянь нилькс: Эрзянь Инязоронть 4-це № Кармавтомазо 2010 иестэ Россиянь келес эриця эрзятне сакшность озномо Раськень Озксов. Эрзянь вейсэндявксонь прявтнэ лездасть пурнамс ломантнень, муемс транспорт ды с.т. Те иестэнть, кода икелеяк, ламот вий путсть «Эрзянь Мастор» газентань нолдамонтень: сёрмадстомасо, ламот кучнесть сермадовкст, кой-зяро ярмакт. Лиссь 2011 иень ковкерьксэсь. Топавтозь ламо лия тевтькак. Виень апак вансто, мелень путозь важодемань кис яволявтан сюкпря истятнэнень: Аношкин Н.И. (Нижней ёнкс), Биушкина М.Р. (Москов), Блинов А.Е. (Оренбург ёнкс), Боляень Сыресь (Украина), Бурашников А.Д. (Пенза ёнкс), Гаврилов П.Г. (Красноярск ёнкс), Грачева Е.Н. (Пенза), Демин В.И. (Саран ош), Дригань Толай (Самара ёнкс), Елисеева Г.Д. (Рязань), Ермолаев А.И. (Кемерова ёнкс), Исаев Н.С. (Пенза), Заварюхин Н.В. (Саран ош), Лежиков А.Л. (Москов), Калаганонь Керяз (Вирь Тавла,РМ), Кирдянов В.П. (Татарстан), Костюшкин В.Е. (Кемерова ёнкс), Кузнецов А.М. (Самара), Кузнецов А.С. (Саратов ёнкс), Наумов Александр(П.Игнатбуе,РМ), Прокаев К.В. (Пенза ёнкс), Размоскин В.М. (Пенза), Рябов П.С. (Москов) Тактаев В.Е. (Ицялбуе,РМ), Степанова Р.Е. (Москов), Слугин В.С. (Орданьбуе,РМ), Туркичев А.П. (Пенза ёнкс), Чекаев Н.П. (Пенза), Шаронов А.М. (Саран ош), Эрзяйкин И.Ф. (Саран ош), Эрюш Вежай (Мурман ёнкс). Эрзянь Инязорось Кшуманцянь Пиргуж, Саран ош, 2011 иень даволковонь 10 чи
Эрзянь нилькс: Пиргуж Инязоронтень. Эрзянь келень идема Лезэпаргос-Фондс совиця ломантненень. Инязор! Мельвановикс ялгат! Седейшкавань сюконямот тенк "2010 иень эрзя" лемсэ лемдемам кисэ. Тынь путыде покш питне монь путовксонтень эрзянь раськень ванстома тевтнес. Тынк ёвтазь мелесь седе товгак кирди-кепеди мелем путомс вием эрзянь раськень ванстома-вельмевтема тевентень. Сюконян тенк. Эрюш Вежай 24.02.2011
Инзейне1: Эрюш!Арсетяно тенть ,те покш Инязоронть валонзо кувалма, шумбрачи, уцяска, паро эрямо!
Эрзянь нилькс: Сюконян. Ансяк, Инзейне, минек атятнень те седеяк пек эряви. Сынь сядоксть-тёжаксть минденек ламо эрзянь тевсэ важодить. Тенст сюконямот тень кис ды шумбрачи.
полная версия страницы