Форум » Седямонь-морамонь шкинема /Музыкальное творчество » Кодамо тон «Торама» ульнить? » Ответить
Кодамо тон «Торама» ульнить?
erzianj : Перед тем, как оставить этот мир, древний вождь эрзянского и мокшанского народов Инязор Тюштя собрал сход и сказал: «Я оставляю после себя трубу, - тораму. Она поможет вам объединиться, если случится беда и племена наши поссорятся. Трубите в эту трубу, я услышу и приду к вам на помощь». Миссия группы «Торама», носящей гордое имя трубы Тюшти - сохранение древней культуры эрзянского и мокшанского (да и не только) народов. Фольклорный ансамбль «Торама» образован в 1990 году. Йовлань Оло и еще три исследователя культуры эрзянского и мокшанского народов образовали первоначальный состав ансамбля. Идея создания именно мужской группы не покидала Оло всегда, - он и здесь остался верным эрзянским традициям, он назвал свое детище в честь трубы своего Инязора Тюшти, поэтому и его участники должны были защитниками своего народа. С течением времени состав увеличился до 9 человек, все - мужчины в возрасте от 16 до 48 лет, но состав его каждый раз был непредсказуем. Оло всегда делал творческие эксперименты были проекты с театральными и танцевальными коллективами, командой КВН и даже девушка-солистка была. Но оригинальность и самобытность была в мужском составе, со «звериным» исполнением песен. «Торама» пользовался и пользуется признанием в самой Мордовии - ансамбль лауреат государственной премии республики Мордовия. В 1994 году победитель всероссийского конкурса народной музыки "Голоса России". Группа постоянно участвует во многих фестивалях и концертах за рубежом: в Эстонии, Финляндии, Латвии, Швеции, Польше, Англии. «Торама» известна и в академической среде - исключительное знание и опыт полевых исследований связывают группу с Обществом Кастрена, Музыкальной Академией Яна Сибелиуса, Финно-Угорским Обществом. Солисты «Торамы» не только поют и проводят обрядовые моления, все они виртуозно владеют музыкальными инструментами. К примеру, по архивам Йовлань Оло реконструировал эрзянскую скрипку «гарзи» и дудки «нудей», барабаны - «чавомат» и «кальцемат». Также ребята из «Торамы» постоянно экспериментируют, к примеру, мокшанское многоголосие зазвучало в джазовом исполнении, а также в поп обработке. Именно скрещение национальных традиций с джазом стало основной темой одного из последних крупных событий в жизни группы в 2001 - Джазового Фестиваля в Гданьске (Польша). В конце 2001 года Йовлань Оло принял участие в Гражданском Форуме в Москве. Вскоре после этого группа дала феерический концерт в московском клубе МуХА ( кстати, у меня(А.П.,) есть видео запись этого концерта – последнее, что мне выслал Оло лично. 50 минут песен на эрзянском, мокшанском, кратайском языке и живое общение! Супер!) В мае 2002 группа успешно выступила на крупном этнофестивале в Вильнюсе. А 12 июня 2002 года «Торама» в составе делегации из Мордовии приняла участие в праздновании Дня Независимости России в Москве. Это стало последним публичным выступлением Йовлань Оло (Владимира Ромашкина). 29 августа 2002 года в результате затяжной болезни бессменный руководитель группы Йовлань Оло ушел из жизни. Похоронен в Саранске. а вот также культовая песня ансамбля "Торама": Тюштя Кезэрень пингень эрзянь моро Тюштя, да Тюштязоро, Да Тюштязоро - да инязоро. Ох, косо да Тюштянь масторозо? Да косо да Тюштянь раськезэ? Кавто да пандо, да пандо ютксо, Кавто да ведень усиясо, Кавто да ведень усиясо, Ведень усьясо пижине да луга, Ведень усьясо пижине да луга. Луганть лангсо да путонь кудо, Луганть лангсо да путонь кудо. Кудынесэнть таргань морга, Кудынесэнть таргань морга, Морганть лангсо да ашо кшируця. Морганть лангсо да ашо кшируця, Руцянть лангсо да пижень яндава. Руцянть лангсо да пижень яндава. Яндавасонть човань пуре. Ох, яндавасонть човань пуре. Пуресэнть нолдазь сиянь кече, Пуресэнть нолдазь сиянь кече. Ков чизэ сон чаравты, Ков чизэ сон чаравты Тов кече пулось сон велявты, Тов кече пулось сон велявты. Пидезь-панезь атякшозо, Пидезь-панезь атякшозо, Рестазь-пуштазь нучко калозо, Рестазь-пуштазь нучко калозо. Верьга да ливтить колмо цянавт, Верьга да ливтить колмо нармунть. Сёлмо да песэст вальмас чавить, Сёлмо да песэст вальмас чавить, Ломань кельсэ да сынь басить, Ломань кельсэ да сынь басить: Тюштя, да, Тюштя, да, Тюштязоро, Тюштязоро, да инязоро, Тон а содат, Тюштя, мезеяк, Тон а содат, Тюштя, мезеяк. Душман саизе, да, Тюштя, масторот, Ят* саизе, да, Тюштя, масторот, Ят саизе, да, Тюштя, тонь раськеть. Коли саизе да ят мастором, Коли саизе душман. монь раськем, 0х, пидезь-панезь монь атякшом Вельмиязо ды толгиязо. Вельмиязо ды оймиязо Да "ку-ка-ре-ку" сон рангстазо. Коли саизе да ят мастором, Коли саизе ят монь раськем, Рестазь-пуштазь да нучко калом Вельмиязо да оймиязо, Вельмиязо да оймиязо, Пурентень нолдазь да уйкшнэзэ Ох, пидезь-панезь сон атякшось Вельмиякшнось да толгиякшнось, Да "ку-ка-ре-ку" сон рангстакшнось. Ох, пуштазь*-рестазь нучко калось Вельмиякшкось да оймиякшнось, Човань пурес сон ювадекшнесь, Човань пурес сон ювадекшнесь, Яндавасонть да уйкшнекшнэсь. Ох, вачкодсь Тюштя кавто кедензэ, Нединзе Тюштя кемень суронзо.
Ответов - 25
Эрзянь нилькс: Торама — древний духовой деревянный музыкальный инструмент, труба в традиционной культуре эрзян, символ надежды. Зов торамы – призыв к объединению перед лицом врага и в этом качестве торама фигурирует в преданиях об эрзянском инязоре Тюште. Торама — древний военный и пастуший сигнальный инструмент имеющий два типа. Пастухи-эрзяне трубили в тораму три раза в день: рано утром при выгоне скота, в полдень ко времени доения коров и вечером по возвращении стада в село. Происхождение, история: Согласно древней легенде когда среди народа Великого Тюшти начались распри, он удалился от них со своими верными воинами на новые земли, но оставил свою трубу тораму. По одним легендам торама была скрыта в ветвях деревьев, по другим источникам – в земле. У торамы были струны и ветер играл на них. По преданию Тюштя был искусен в волшебстве и тораму суждено было найти только избранному. По завещанию Тюшти, в день, когда враги придут на его землю, протрубит торама и он вернётся к своему народу и накажет недругов. Устройство: Торама первого вида изготавливалась из ветви берёзы или клёна, которая продольно раскалывалась пополам, сердцевина каждой половины выдалбливалась, затем половины ветви обматывались берестой. При такой обмотке берестой одну сторону трубы делали шире, а другую уже. Внутрь трубы вставляли язык из бересты. Длина инструмента колебалась от 80 до 100 см. Торама второго вида изготавливалась из колец липовой коры, вставленных друг в друга и заклеенных рыбным клеем в форме раструба. Длина инструмента колебалась от 50 до 80 см. Оба вида торамы не имели пальцевых отверстий. Из них извлекались 2-3 звука обертонного ряда. Портал "Эрзянь ки".
chuvashon_erzja: 0х, пидезь-панезь монь атякшом Вельмиязо ды толгиязо. Вельмиязо ды оймиязо Да "ку-ка-ре-ку" сон рангстазо. Коли саизе да ят мастором, Коли саизе ят монь раськем, Автор слов вероятно более точно объяснить смысл этих слов,но этот отрывок близок по смыслу русскому:"Пока жаренный петух не клюнет...народ не проснется". Пуресэнть нолдазь сиянь кече. Ков чизэ сон чаравты, Ков чизэ сон чаравты Тов кече пулось сон велявты, Тов кече пулось сон велявты. Пидезь-панезь атякшозо, Здесь серебряный ковшик,который поварачивает свой хвост(рукоять) вслед за солнцем символизирует прошедшее время?
vijan1: а монь велесэ атякшось кик-кири-кок ранстнесь икеле, варакась варнось, ватракшось ватнось а нумолось кек-кек мерекшнесь, вана истя.
crazynuts: erzianj пишет: ...есть видео запись этого концерта – последнее, что мне выслал Оло лично. 50 минут песен на эрзянском, мокшанском, кратайском языке и живое общение! Супер!... Можно "нарезать" этот концерт кусками и выложить его на Ютубе и соответсвтвующе подписать. Это, вообще, самый простой способ заявить миру о своём существовании (собсьвенно с Ютуба я и попал на этот форум ) .
Семен: crazynuts пишет: с Ютуба Что такое Ютуб? У нас тоже есть песни и видео
crazynuts: Даю посилання (это по украински значит "даю ссылку" )!!! http://www.youtube.com Смысл этого сайта состоит в том, что любую цифровую видеозапись, даже с мобильного телефона!!! (правда ее надо будет перед тем переформатить) можно закачать на сервер и ее сможет посмотреть кто хош во всем мире!!! Есть там и "Торама", правда чуть-чуть.
crazynuts: Вот подборка файлов про "Тораму" с Ютуба. http://www.youtube.com/results?search_type=&search_query=torama&aq=f Вообще, если есть человек, немного разбирающийся в программах-видеоредакторах, то при нарезке в каждый файл можно добавить еще и "intro" (стандартное вступление) и эрзянский символ в верхний угол картинки. Тогда ваши нарезки обретут некую целостность . Вот, например, как это сделали ребята из киевского кобзарского цеха http://www.youtube.com/watch?v=PkaDF2uDEz4 .
Семен: Большое спасибо!
crazynuts: На видео представлен представлен легендарный человек. Это Микола Будник - мастер музыкальных инструментов, Пан-Отец (духовный наставник), основатель, Цех-Мастер киевского кобзарского цеха. Имеет судьбу, схожую с судьбой Йовлань Оло - тоже заболел и ушел из жизни в 2002 году.
Олодянь Илюж: Друзья! Где можно взять тексты эрзянских песен, исполняемых Торамой? (Норов Паз, Кува содави тундонь чись, Лиседе Раскеть и др.) Для меня это очень важно, потому что я только начинаю изучать эрзянский язык, а записывать слова на слух не решаюсь, дабы не оказаться в смешной ситуации. Я живу в Башкирии, спросить не у кого. Спасибо заранее. Кроме того, у меня более чем 10-летний опыт русскоязычного песенного стихосложения, была своя арт-роковая группа, где я был вокалистом. Есть желание впоследствии начать писать песни на эрзянском.
Семен: Шумбрат! Попробуем помочь!!
Эрзянь нилькс: В музыкальной культуре эрзянского народа большое значение имеет торама — духовой музыкальный инструмент. Тораму делают из ветви берёзы или клёна, которую продольно раскалывают пополам, сердцевину каждой половины выдалбливают, а затем половины обматывают берёстой. При обмотке берёстой одну сторону трубы делают шире, а другую у́же. Внутрь трубы вставляют язык из берёсты.
Эрзянь нилькс: Палы тештень эрямо. (Йовлань Олодо вал.) Йовлань Оло Ломантне – теке тештинеть певтеме менельсэнть. Эрьвась – эсензэ таркасо, эрьванть – эсензэ эрямо кизэ, эрьвнть – эсензэ тюсозо ды валдонь лембезэ. Мень седе виевстэ ливти тештесь, сень седе виевстэ сон палы, седе виевстэ неяви валдозо ды маряви лембезэяк. А стяко тевсэ палыця ломантненень эрзятне мерить – «Вай! Теке палы теште те ломанесь! Сон а эри, палы тештекс палы!» Койсэм, истямо палы тештень ломанекс эрясь содавикс эрзянь сединдеесь – Йовлань Оло. Мон теевинь содавиксэкс мартонзо 1999 иень медьковсто, зярдо сынь неень шкань васенце Раськень Озксос. Мон ломанесь ве ёндонь. Сынь Озксов, малав киньгак Саран ошсто а содылинь. Раськень Озксонь икелень чокшнэстэ минек атятне озавтымизь се машинантень, кона «Торама» морамо куронть усксь Чукал велев. Ардынек покш паро-валдо мельсэ, эрзянь моронь морсезь. Васенцеде маринь, кода вадрясто морасть «Торамань» цёратне! Васенцеде чарькодия ды мария эрзянь моронть танстензэ. Монсь морамо а маштан. Эзь максо тень Инешкись истямо талан. Ансяк кунсоломо – пектеяк пек вечкан! Эрзянь моротне пек виевстэ кепедить эсь раськень марямо ёжонть… Вана сёрмадан теде, лецтнян… Ды нейгак пилесэм гайгить сеть моронь келей-домка гайттне… Самай Йовлань Олонь «Торамась» панжизе тень пилем эрзянь моронь танстенть чарькодеманзо-марямонзо. Секскак, шкань ютазь, «Эрзянь мельсэ» валморонь пусминенть нолдамстонзо, икельць валсонть мон сёрмадынь: «Сюконян Йовлань Олонень, эрзянь ине сединдеентень. Сон гайневтинзе пилесэм эрзянь седямотнень-моротнень, иневедень толкунокс эвтевтинзе оймесэм эрзянь ломанекс эсь прям марямом-ёжом.» Удомо аравтымизь Чукал велень тонавтыцяавань кудос. Каванимизь ды ацасть тенек, цёратненень, удомо икельцькудонь кияксос. Од цёратне сеске матедевсть. Минь Оло марто кортынек пиже зоряс. Малав эзинек удояк. Эряволь стямс тенек озксонь буканть ильтямо… Валскес кортнинек эрьва мезде: эрзянь тевде, эрзянь культурадо, эрзянь кельденть. Озксось ютась вадрясто. Олонь «Тораманть» путовксозо покшоль, виевель… Монень се Озкссонть максозель поштояк покш тев – кирвазтемс Штатолонть… Весе ютась вадрясто. Озкстонть мейле Олонь марто сюлмавксонок поладовсть. Минь кортынек мартонзо монь валморотнень коряс моронь арсемадояк. Кочкинек зярыя валморот. Арсинек, кодамо седямо лувс сынь путомкат. Оло мерсь тень: путсынек валтнэнь неень шкань морамо лувс – морось курок карми улеме содавиксэкс, ды эрямозо карми нурькинекс… Путсынек ва валморонть классикань лувсо седямос – карми седе куватьс морось эрямо, ансяк ломанень седейс кизэ карми седе кувака… Эзь тееве тенек те тевесь, эзть путово тензэ монь валморотне седямкас… Оло ормалгадсь… Кадовсть сёрма паргосом ансяк теде сёрманок-кортамонок… Ды колмо седямо нудейнеть, конатнень Оло монень кучинзе почта тапаркссо. Ванан лангозост, кунсолан «Тораманть» Олонь вайгелензэ марто, ды лецтнян превей валонзо: - «Ломанентень эряви тонавлемс. Ансяк зняро, зярс тонавтнемась, ламонь содамочись а копачасы ломаненть эсензэ ёрокчинзэ-таланонзо, илязо ёмавто тонавтнемстэ сонсь ломанесь сень, мезесь Инешкинть пельде максозель ломанентень эстензэ…» Ламо маринь лия ломанень пельде Йовлань Олонь пародонзо, паро тевдензэ. Кадык монь валось-мелеськак сондензэ кадови эрямос. Истямо эрзядонть эрзянь ломантненень эряви содамс…. Минь сонзэ а стувтнетяно. Превей эрзятне 2011 иень, таштамковонь 6 чистэнть, Вирь Тавла велесэ кармить ютавтомо Йовлань Олонь лемсэ морамо покшчи. 2012 иень ковкерьксэнть «Руця» лезэпраргось алтасы Олонень… Те эсь валморынем алтыять тонеть, Оло… Эрюш Вежай Велявт Эрзянь Масторов! (Алтави Йовлань Олонень.) Кува тон аволить яка, Кува тон аволить пака, Тон велявт кудов, Эрзянь Масторов, Лецтик эйкакшпингеть одов. Вадовось менельга уи, Ванны, мекев вирев туи, Пизэзэ тосо, левксэнзэ тосо, Тетянь-авань кудось косо? Тосо нувсить варма зэхельть, Ливтнить ашо шождыне пельть, Тосо ломантне одт, вишкинеть кудот, Гайнить тосо эрзянь морот. Вант, тонь кудо юртот каладсь, Велень калмазыресь порксазь, Домка лисьмась коськсь. Колызь, эли сонсь? Содан, теньсэ чуман мон монсь… Таго вирьстэ вадовось сась, Велькскам ливтни, сулей каясь. Середи оймем, лазы седеем, Мезес мон путыя вием? Кува тон аволить яка, Кува тон аволить пака, Тон велявт кудов, Эрзянь Масторов, Эсь кудозот совак одов. 2006 ие, якшамков, 12 чи. Эрюш Вежай Полярной ош, 2011 ие, умарьков, 22 чи. Палы теште = метеор, прыця теште.
Эрзянь нилькс: Решение Фонда "Руця". Эрзянский общественный Фонд "Руця" высоко оценивает инициативу эрзянских общественных организаций и общественных деятелей, решение Инязора Эрзя народа о проведении 6 сентября 2011 года в эрзянском селе Вирь Тавла фестиваля эрзянской песни, посвященного 60-летию Йовлань Оло (Ромашкина Владимира), создателя известной фолк-группы "Торама". Фонд "Руця" выделяет 10000 рублей на создание и установку памятника эрзянскому музыканту и композитору Йовлань Оло (Ромашкину Владимиру Ивановичу. Координатор Фонда "Руця" Эрюш Вежай. 14.08.2011.
Matorchik))): В.И.Ромашкинэнь чачома чистэнзэ 60 иетненень А эрсиль ськамонзо… Йовлань Оло, Ромашкин Володя. А кемеви, зяро иеть уш сон арась ютксонок. Маряви, молят ковгак ды таго вастсак те эрзянь мазый церанть: сэрей, коськаня рунго: ахолдасынзе кедьсэ тусто раужо черензэ ды мизолдозь пшкади: «Шумбрат!». Сонзэ эзь савкшно неемс нусманякс: варштат – сельмстэнзэ теке сяткинеть кивчкадить. Театрасо-косо «Торама» ансамблянзо марто залс, ломань юткс валозь-валы раськень моротнень лембест-мазычист, теке марто – эсензэ валдо ойментькак. Кияк куш весть тукшнось сонзэ концертнэстэ меельце моронть-седямонть прядомадонзо икеле? Пурнавозтне свал виевстэ цяпасть, таркастост апак сырга. Сон, Йовлань Оло, свал весень сельме икелель, ды аволь ансяк сцена лангс кузезь. Вансак, юты пешксе залганть, лотки тезэнь, тозонь, лепштясы сонензэ венстязь кеденть ве рядсто, омбоцестэ, колмоцестэ… Теке марто варшты ломаненть сельмс ды мик сюконияк. Ашо викшнезь панарозо карксазь цеко марто каркссо, пильгсэнзэ – кедень чикордыця кемть эли карть-пракстат. А виздиль кепеяк лисемс ды киштезь ютамс весень икельга. Косо илязо уле, перьканзо свал пурнавильть ломанть. Сон зярдояк а кадновиль ськамонзо. Улема, эрямонь вечкемась, лембе седей ежось тердсть мельганзо. Раськень штатол – истя меревлинь эйстэнзэ. Ашти мельсэнь: якинь командировкав Отяжелень районов. Пачколинь Дюрькинав. Тосто макссть мартом Йовлань Олонь шнамодо конев, косо ульнесь энялдома сонзэ каземадо. Те коневонть лиятнень марто вейсэ эрявсь кучомс Суоми масторов, ды Володя сонзэ учось. Монень сюкпрянь евтазь, кенерсь меремс, ков молемс, кинь вельде кучомс. Сон истя ламос кенериль! Медьарвонь пурныця мекш ладсо паморьксэнь-паморькс вешнесь, тонавтнесь эсь раськень кезэрень шкасто саезь моротнень-мелодиятнень, эрямонь-аштемань башка енкстнэнь, сонськак сермалесь музыка ды весе тень апак жаля казсь кунсолыцятненень-ваныцятненень. Ков ансяк эзь пачколе, кодамо масторс эзь понгоне – эрьва косо сонзэ вельде кармасть содамо эрзятнеде, минек раськень культурадонть. Вечкиль кортамо эрзякс ды свал кармавтсь церанзо-тейтерензэ мартояк кортамс ансяк тиринь кельсэ. Аламо, пек аламо эрясь Йовлань Оло – кивчкадезь кивчкадсь сятконь кондямокс. Ансяк валдозо-лембезэ эзь ема, кадовсь юткозонок ды седе товгак карми эйсэнек эждеме. …Мирэнь келес содавикс ученоенть М.М.Бахтинэнь пельде савкшнось марямс «карнавалонь ломанть» валтнэнь. Те – эряза, лиятнень веселгавтыця, шожда обуцят. Сынст юткс ученоесь аравтокшнось Аргентинань Лолита Торес артистканть-морыцянть, киштицянть, кие пек парсте налксесь «Возраст любви» кинофильмасонть. «Карнавалонь ломанекс» ульнесть, койсэнь, Серафима Люлякина ды, нама, Йовлань Оло. Куломадонзо мейлеяк модас сюконяма тензэ. Татьяна Ковалева, журналист
Эрзянь нилькс: Matorchik))) пишет: А эрсиль ськамонзо…
Matorchik))): Седе вечктяно кулозтнень… Эрзянь ды мокшонь ломантненень, кинь седейсэ палы вечкемась тиринь раськентень, сонзэ культурантень, а эряви толковамс, кие истямось Ромашкин. Пек ламонь туртов сонзэ лементь марто самай сюлмавозь минек эрзянь ды мокшонь моротнень марто васень вастовомась, кона поладовсь ды, кеман, ойместэнек уш а саеви-а нардави. Вай, зяро иеть ютасть, кода арась мартонок Владимир Иванович Ромашкин! Сон чачсь сентябрянь 6-це чистэ, кулось августонь 29-це чистэ. Чачомазо ды куломазо ве шкас прасть. Ней бу тензэ топодевельть 60 иеть, ды вана уш эйстэст вейксэ иеть арась ютксонок. Арась – ды свал ули! Монень лиясто маряви, зярдо жив ульнесь – лемензэ ледстнесть аволь истя сеедьстэ. Куломадонзо мейле прок чадыведь таркастонзо сыргась, истя ламо мель кармась явовомо Володянень. Алкукс, седе вечктяно кулозтнень. Ледстнить лемензэ аволь ансяк невтемань кис. Покш тевть лемензэ марто ушолевить! Чачсть зярыя коллективть – Владимир Ромашкинэнь «Торамасто» пургондавкст: эйкакшонь, покшонь… Эряви меремс, эрьвасонть ули Ромашкинэнь таликась. «Вий» эстрадной коллективень прявтось Владимир Веряскин морыцянь эрьва покш пелькстамодо мейле видьксты: «Минь ушодынек морамо эрзянь-мокшонь моротнень Владимир Ромашкинэнь баславамодо мейле…» Аня Панишева прядсь Мордовской госуниверситетэнь национальной культурань факультет, ушодсь эрзянь моронь сёрмадомо, морась «Келу» ансамблясонть, ней уш изнякшны Анжелика Спиркина марто Московонь сцена лангсо. Текень мерить «Морденс» коллективсэ морыцятнеяк, Юрий Буянкин ушодсь морамо Ромашкин марто «Торамасо» . Ды а мезть уш кортамс сонстедензэ коллективденть, конань прявтсо ней Владимир Ромашкинэнь цёразо, Андрей. Аволь умок ансамблясь тешкстась эсензэ 15 иетнень, ульнесь покш концертэст, косо истя жо пек ламо паро валт ёвтазельть сонзэ ушодыцянть лемс. Мокшэрзянь раськень кодамояк покшчи ней, ловт, а ютавтови содавикс ансамблявтомонть! – Улезэ те мезеньгак презентация, выставка, концерт… - «Торамась» свал тосо – кенярдовты вечкицянзо-кунсолыцянзо. Течи, зярдо «Торамань» ушодыцянть Владимир Ромашкинэнь кулома чистэнзэ ютасть вейксэ иеть, арсеви, весемеде паро лецтямось сондензэ самай те – эзь ёма тевезэ, седеяк келейстэ сравтынзе сёлмонзо «Торамась». Вирь ало Тавла веленть песэ кудынесэнть, конань зярдо-бути рамсизе Ромашкин аволь покш ярмакто, чувто ланга керсицянь «Эрьмезь» вейсэндявксонть ушодксонзо коряс ды васняяк сынст вийсэ панжовсь зярыя иеть теде икеле сонзэ лемсэ этно-кудось, ков сакшныть вана уш зярыя иеть сентябрянь котоце чистэ лемензэ ледстямо эрьва ёндо ломанть: кить содылизь ды а содылизьгак, вечкилизь моронзо. Покш питне путыть тензэ сонзэ творчестванзо вечкицятне. Теде башка тосо ушодсть ютавтнеме эрьва кодат покшчить. Ромашкинэнь лемсэ эрзянь моронь фестиваль, «Кулдор-калдор» финнэнь-угрань юмористэнь фестиваль, лия тевть-ушодовкст… Эрьва ёндо ней сыть тов ломанть. Сыть сюконямо сонензэ. Тамара Баргова
Эрзянь нилькс: Matorchik))) пишет: Мокшэрзянь раськень Те мень раське? Типа чечено-ингуш, карачаево-черкес, чехо-словак, шведо-норвег, русо-украинец, украино-белорус, татаро-башкир, карело-финн, бурят-монгол, чукче-коряк, ханты-манси.....? Вай.....
Matorchik))): Эрзянь нилькс пишет: Те мень раське? Аздан. Секе тев СМИ-сэ маряви "мокшэрзянь кельсэ корты", "те мокшэрзянь тейтересь"...
Эрзянь нилькс: Matorchik))) пишет: Аздан. Секе тев СМИ-сэ маряви "мокшэрзянь кельсэ корты", "те мокшэрзянь тейтересь"... Ансяк "мордватне" содыть истямо раськеде.....
Matorchik))): 2011-це иень таштамговонь 6-це чи. Вирь ало Тавла. Йовлань Олонень кеврунгонь панжомась. Авторось - Г.М.Филатов.
Matorchik))): Пазчангодть!!!
Эрзянь нилькс: Matorchik))) пишет: 2011-це иень таштамговонь 6-це чи. Вирь ало Тавла. Сюконямот, валдыне, култнень-ванмотнень кис!
Matorchik))): Владимир Ромашкин - эрзянь раськень теште Валдо ломань, эрзянь раськень теште, истя ды лиякс, ансяк парсте ды лембестэ, кортыть сондензэ. Зяро сон тейсь ды зяро теевель, бути улевель вакссонок! Таштамковонь 5-6-це читнестэ Саранскойсэ ды Кочкурбуень Вирь ало Тавласо ютавтозельть зярыя кенярксчить. Весе сынь алтазельть Владимир Ромашкинэнь ледстнемга. Содавикс фольклористэнтень, музыкантонтень, кинодокументалистэнтень, «Торама» фольклорно-этнографической ансамблянь пурныцянтень-теицянтень топодевельть 60 иеть… Владимир Иванович Ромашкин чачсь 1951-це иень сентябрянь 6-це чистэ Ицялбуень Ицял велесэ. 1975-це иестэ прядызе Л.П.Кирюков лемсэ музучилищань дирижерско-хоровой отделениянть, 1980 иестэ — Казанень консерваториясо дирижерско-хоровой факультетэнть, 1986-це иестэ — МНИИЯЛИЭ-нь аспирантуранть. Важодсь музыкальной училищасо, келень, литературань ды историянь Мордовиянь научно-исследовательской институтсо фольклоронь ды искусствань секциясо научной сотрудникекс. 1986-це иестэ сонзэ кедь алдо лиссь «О некоторых особенностях традиционного песенного искусства мордвы-каратаев» монографиясь, конасонть ванкшнызе Татарстанонь каратаень велетнень фольклоронть. В.Ромашкин – «Каратаи» ды «Истоки» этномузыкальной фильматнес сценариень автор. «Торама» фольклорно-этнографической ансамблянь пурныця. Те сонзэ пингстэ нолдазельть эрзянь ды мокшонь кельсэ морамонь компакт-дисктне. Сон сехте вадрясто седясь раськень кезэрень инструментнэсэ — нюдисэ, гарзясо, чавомасо, вешкемасо. Йовлань Оло истя жо эрзятнень ды мокшотнень вокальной ды инструментальной народной музыкань пурныця. В.И.Ромашкин — Мордовия Республикань искусствань Заслуженной деятель, МР-нь Государственной премиянь лауреат, А.П.Рябов лемсэ премиянь лауреат, Святой Мариянь крестонть орденэнь кавалер (Эстония). Снимазель «О чем поет «Торама» музыкальной фильмасонть. Эрямосто тусь 2002-це иень августонь 29-це чистэ. 2006-це иестэ Вирь Тавласо панжозель В.Ромашкинэнь лемсэ «Этно-кудо» музей. Васенце чистэнть Эрзянь-мокшонь национальной драмань театрасо ютавтозель «Песенная культура мордовского края как этно-педагогический аспект» лементь ало кругловой столь. Тей пурнавкшность музыканттнэ, педагогтне, фольклористтнэ, искусствоведтнэ, содавикс ученойтне. Кортамось мольсь В.И.Ромашкинэнь покш путовкстонть эрзянь ды мокшонь морамонь культурантень, этно-педагогической воспитаниясо тиринь моротнень эрявиксчидест. Эрьвась анокстась башка валт, ледстнесь В.Ромашкиндэ. ИНК-нь народной музыкань кафедрань прявтось Н.И.Бояркин, саемга, тонавтсь Ромашкинэнь, кой-конатнень, мекевланк, превс путсь сонсь Йовлань Оло. Эряви апак сепо меремс, «Торама» ансамблянть марто седе ламо кармасть содамо эрзятнеде ды мокшотнеде. Эдь В.Ромашкин коллективензэ марто косо ансяк арасель! Аволь весть ульнесть Германиясо, Франциясо, Бельгиясо, Нидерландысэ, Швейцариясо, Англиясо, Швециясо… Неть мастортнэсэ сынст вастасть ды кунсолость пек лембестэ, вечкезь. Вешсть моронь компакт-дискт. Эстониясо, Финляндиясо панжовсть «Торамань» фан-клубт. Ромашкинэнь тонавтницянзо нейгак поладыть тевензэ. Юрий Буянкин пурнась «Морденс» ансамбля, Геннадий Дулкин — эйкакшонь «Торама» коллектив. Кругловой столенть прядовомсто ламот евтызь мелест – нолдамс В.Ромашкинэнь ледстнемга книга. Седе тов ушодовсь Ледстнемань чокшнесь. Театрань покш залонтень састь Ромашкинэнь малавиксэнзэ, ялганзо, содавиксэнзэ, вечкицянзо. Васняяк, невтезельть эрямо шкастонзо фототне, видео, гайгсть моронзо. Невтезель концерткак. Лиснесть кода минек морыцятне, истя жо лия регионсто сазь инжетнеяк. Содавикс художникесь А.С.Алешкин ламо ледстнесь паро ялгадонзо: «Миненек эряви свал сондензэ ледстнемс. Те ульнесь сюпав ойме ломань. Потмо ендо, обуцянь коряс пек мазыель. Пек вечксь эсь раськензэ, весе ломантнень, кинь марто вастневсь. Те неявсь. Сон свал муиль кель-вал раськенть марто. Зяро минь ардтнинек сонзэ марто! Велева, ошка, омбо масторга. Кода сонзэ вечкилизь бабинетне! Чиильть вакссозонзо, кортыльть, морыльть. Сон тонавтнесь неть бабинетнень пельде ды мериль «Торамань» морыцятненень: ваннодо пштистэ, кода сынь аштить, кунсолодо, кода морыть, ветить пряст. Пек лембестэ минек вастсть омбо масторонь ломантне. Савкшнось невтнемс концерт стадионсояк. Зярдо гайгиль «Торамась» - весе кода-бути сеске кунсолозевить, истя эрьва масторсо ульнесь. Ансамблясь морыль ансяк народной морот, косо ванькс келесь, косо моротнень эйстэ мольсь вий. Омбо масторонь ломантне марилизь минек раськень виенть. Теде мейле сынь лиякс вансть минек ломантнень лангс». Истя жо кортасть Геннадий Дулкин «Торама» эйкакшонь студиянь пурныцясь, Николай Балашкин морыцясь. Морот казсть Татарстанонь «Эрзянка» ансамблясь, Самарасто Виктор Рауткин ды лият. В.Ромашкинэнь церазо Андрей, кона полады тетянзо тевенть, евтась сюкпрянь валт весе пурнавозтненень. Омбоце чистэнть Вирь ало Тавласо панжовсь «Торамась терди» эрзянь кезэрень моронь фестивалесь. Вастовсть эрьва ендонь инжетне. Этно-кудованть ютавтозель экскурсия. Седе тов кудонть икеле панжовсь Йовлань Олонень алтазь кеврунгось (бюст). Сонзэ теизе Григорий Филатов скульпторось. Лембе валт евтасть Кочкурбуень райононь прявтось С.Н.Герасимова, Эстониясто сазь «Финно-Угрия» вейсэндявксонь советникесь Яак Прозес. Омбо масторонь инжесь парсте содылизе Ромашкинэнь. «Володя Ромашкин эсь раськензэ туртов тейсь пек ламо, зяро а тейнить прявттнэяк. Кирдиль ояксчинь сюлмот ломантнень марто, кить тензэ лездыльть. Эстониясо сон мусь ламо ялгат, вечкицят. Сынь лездасть нолдамс моротнень,» - кортась Яак Прозес. – Пильгес сюконятано Г.М.Филатовнень. Те ульнесь сонзэ мелесь теемс кеврунго Йовлань Олонень. Монь превс истямо эзь сакшнояк. Теизе стякодо, питнень апак веше, виень апак жаля. Ромашкинэнь кондят ломантнень эряви тешкстамс эрямсто, зярдо сынь вакссонок, аволь зярдо мельс леди. Тедеде нолдынек аволь покш книга, кона алтави сонензэ. Этно-кудонь кенкштне свал панжадот, учить инжеть. Монень пек а сатни те ломанесь, кона макссь превть, лездась валсо ды тевсэ, ульнесь нежекс. Маштсь эрямова састо ветямо. - евтнесь этно-кудонь прявтось, чувтосто керсицясь П.В.Рябов. Сон истя жо евтась башка сюкпрянь валт неть читнень ютавтомань анокстыцятненень: Эрзянь келень идема фондонтень, , Кочкурбуень администрациянтень, «Эрьмезь» Тавлань чувтосто керсицятнень вейсэндявксонтень, МР-нь Национальной политикань ды Культурань министертватненень,Равчирень финнэнь-угрань раськень культурань центрантень ды ламо башка ломантненень. «Тедеде кияк эзь моле каршо. Весе чарькодсть — те ине тев, тень эряви топавтомс.» - мерсь П.В.Рябов. Фестиваленть шкасто важодсть чувтосто керсемань, Дыринтнэнь ялакстнэнь-артыцятнень выставкатне, ярсамопелень-симемапелень выставкась. Моронь фестиваленть ушодызе «Торама» ансамблясь. Истя жо тей сакшность Покш Игнатовань «Вастома» ансамблясь, Отяжбуень Козловкасто, Орданьбуень Лувне велестэ морыцят, Чаунзабуестэ «Дигаля» церань коллективесь, Кочкурбуестэ «Толава», «Сюлгамо», Гайги моро» ансамблятне. Пек кенярдовтызь весень лия регионсто сазь морыцятне. Те: Татарстанонь Лениногорскоень «Пизелнэ» ды «Эрзянка» ансамблятне (оно косто васолдо састь!), Пенза енксонь Шемышейкасто «Яксярочка» ансамблясь, Нижней енксонь Лукояновань райононь Иваньбиестэ «Лисьмапря» ансамблясь, Самарасто Виктор Рауткин, Удмуртиясто Надежда Уткина морыцятне ды ламо лият. Ламот те чистэнть кортасть, мекс истямо нусманяль, потмураль ды якшамоль пертьпельксэсь? Мезе минь тейтяно а истя? Чись истямо жо ульнесь 5 иеде икеле, зярдо панжовсь Этно-кудось. Арсян, ушоськак тарди, мелявты ды ризны, мекс арась ютксонок истямо валдо ломанесь — Владимир Ромашкин... Т.Маторкина
Эрзянь нилькс: Matorchik))) пишет: Владимир Ромашкин - эрзянь раськень теште Вадрясто, валдыне....
полная версия страницы