Форум » Эськедьсэнь шкинематев /Прикладное творчество » Эрзянь меленть чувтосо сон невти /Эрзянское самосознание он показывает в дереве » Ответить
Эрзянь меленть чувтосо сон невти /Эрзянское самосознание он показывает в дереве
erzianj : Сундерьковонь 24 чисте Эрзянь ды мокшонь раськетнень музеень кудосонть панжовсь невтема чувтосто керсицянть, Тавлань керсиця вейсендявкоснть «Эрьмезь» прявтонть Калаганонь Керязонь (Петра Рябова). Невтимась «Шкань суреть» алтави керсиндеень 45-нь иень Калаганонь Керязонь чачома чистнензе, ды 130 иень чачома чистнезе Эрзянь Инекерсендеенть Эрьзянь Степанонь . «Шкань суреть» невтеманьте кельксть 200 теемат Калаганонь Керязонь ды сонде тонавтницатнень, евтась теде ИА «Инфо-РМ»-нь эрзя-мокшонь раськень музеень кудонть прявтозо Маргарита Сурина. Содавтыцятне тесе неить: ламо чувтонь налкшкеть; эрямось, невтезь чувтосо; нармунень ды ломанень чувтосо рунгот. Истяжо эрзянь кудоютконь лездамот – салдыркст, кечеть ды седее тов. седе тов ловнодо тесе (С ПЕРЕВОДОМ)
Ответов - 8
Эрзянь нилькс: Вирь Тавла велень "Эрьмезь" вейсэндявксонь керсицятнень теевксэст: Пурьгине Пазонь айгорось. Кудонь кирдиесь. Алашине. Те - витушка (вешкемка). Теяк - витушка. "Вить-вить-вить-ви-и-ить" моры.... Эрзянь сырькайнесь ведьс якась... Озась оймсеме... Ялгат! Мезе-а мезе Вирь Тавлань керсицятнень теевксэст ули "Руця" ярмакпаргонть кедьсэ. Айгорнэть, Кудонь кирдийть... Миь лездатано сынст микшнемест. Кинь мельс тусть керсевкстнэ-теевкстнэ, сёрмадодо теске, вешеде. Кучтано тенк питнень невтезь-путозь (наложенным платежом).
Эрзянь нилькс: Вирь Тавлань чувтосо керситянь шкинемаст. Эрзянь ломанень теемась./Сотворение эрзи. Калаганонь Керяз. Эстэнь Масторонтень казне/Подарок Эстонии. 2004 ие.
Эрзянь нилькс: Калаганонь Керяз Петра ошсо: http://vkontakte.ru/video-83623_142683845
Инзейне1: Эрзянь нилькс пишет: Калаганонь Керяз На сайте "МОЙ МИР",ули сообщества "Финно-угры - наследники древней Чуди",мон нолдынь сермадовкс Петрань Андюнь, Калаганонь Керяздо,путынь сообществастень вановкст Керязонь чувтонь керявкснэнь.И содатадо,весе ки ваны не вановкснэнь ,ловны сермадовксонть,весе дивить кодат улить эрзятнень ютксо кедьсуров ломать,а ламо ломать марякшность ды нейкшнесть не робутатнеде.Арсян эряви седе сеедьстэ евтнемс весе раскетнеень эрзянь паро тевтнеде.
Эрзянь нилькс: Инзейне1 пишет: Арсян эряви седе сеедьстэ евтнемс весе раскетнеень эрзянь паро тевтнеде. Виде.
Маол: А берянь уливиль арсемс эрзянь зодчествадо, кодат ульнеселть эрзянь кудотне. Панжомс тема, ды путомс тов аламошка археологическойть ды лият содамочитнень теде. Эрзятне икеле эрясть а веинь "землянкава" - те невтемс эряви.
Эрзянь нилькс: Маол пишет: А берянь уливиль арсемс эрзянь зодчествадо, кодат ульнеселть эрзянь кудотне. Панжомс тема, ды путомс тов аламошка археологическойть ды лият содамочитнень теде. Эрзятне икеле эрясть а веинь "землянкава" - те невтемс эряви. Паро мелесь. Терюшань Серьгу кундакшнось те темантень. Тонсь а ушодсак те тевенть?
Инзейне1: Мезде ёвтни чувтось? Удмуртонь масторсо Малопургинской буень Баграш –Бигра велесэнть аштемковонь 18-23 читнестэ ютавтовсь Удмуртия Республикань чувтосто керсицянь 10-це ды сонзэ юрсо, региононь 2-це покшчи. Баграш-Бигра велесь аволь вишкинетнень эйстэ. Неть таркатне аволь умок теевсть содавиксэкс Россиянь келес. Тесэ сезневсть сеть бомбатне, конатне сорновтызь весе масторонть. Велень эрицятне ванькс удмурт, эйстэст 1000–до ламо. Ули мазый культурань кудост, библиотекаст, куро ютктне ацазь асфальтсэ, кудотне парт-кеметь, ламотне эйстэст эрямо кудо алкс марто. Эрицятнень евтнемаст коряс, тесэ эрить ансяк удмурт, секс ванстовсь велень промкс-коесь. Ансяк велень промксось евтасы мелензэ, эрямс а эрямс тесэ лия раськень ломанентень. Кода а сатны истямо коесь эрзянь велетненень! Сехте эрявикс таркакс ашти тонавтнема кудось. Сон покш, од, мазый. Теезь Россиянь президентэнть вешеманзо коряс. Тонавтнить эйсэнзэ сядодо ламо эйкакшт. Колы меленть се, мекс школасонть пек аламо сермадовкстнэ удмуртонь кельсэ. Тень лангс апак вано 100 процент тонавтницятне ды тонавтыцятне кортыть чачома кельсэ. Велесэ ловт вейкеяк вал лия кельсэ а марят. А стяко истямо кезэрень велентень пурнавсть вейс малав 40 чувтосто керсицят Удмуртиясто, Ямалсто ды Мордовиясто. Мордовиянть пельде сакшность кавто керсицят Кочкуронь буень Вирь ало Тавла велень «Эрьмезь» чувтосто керсицянь вейсэньдявксонь маштыкедтне Петр Рябов ды Василий Ширманкин. Ямалсто сась содавикс керсицясь хантынь тейтерь-авась Н.Таныгина лездыцянзо марто. Мордовиянь эрицятне неизь сонзэ керсемстэ «Шумбрат, финно-угрия!» покш чистэнть Саран ошсо. Неень покш чинть пурныцякс ды ютавтыцякс арасть Россиянь культурань прявткурось, Удмуртиянь культурань прявткурось, Удмуртиянь раськеютконь тевень прявткурось ды Удмуртиянь раськеньприкладной искусствань ды ремеслань прявткурось. Удмуртиясо маштыть лезэвстэ ютавтомо чувтосто керсимань покш читнень. Кемень иес пурнасть покш парго маштома лув. Неть иетнес таштавсть кемень буева оймсема таркат парконь чувтонь рунгонь керсевкс марто. Чувтнэнь анокстызь керсицятнень вешемаст ды мелест коряс, кода кувалмосо истя эчкелмасо. Пилямонь, инзэдемань ды ваньскавтомань кедьенкстнэ анокстазь сатомга. Удома таркась, ки лангось, культурань программась стяконь, питневтеме. Ансяк максык весе виеть, ойметь ды маштома ерокот керсемантень. Вете чить велесь марясь узерень чапомат, бензопилань вешкемат ды маштыдеень сееремаст. Важодемась мольсь валске марто саезь чокшнес. Керсицятне тенень ансяк кенярдсть. Вейсэнь кортнематнеде, пелькстамотнеде ды шкинемань важодемадонть питней арась. Анокстазь чувтонь рунготнень ускизь ды вачкизь буень куншкантень, Малая Пурга велень кужонтень. Чувтосто керсицятне важодсть аволь вейкень-вейкень, кой-кить мик ниленест керсесть вейке композиция. Вирь ало Тавла велень керсицятне П.Рябов ды В.Ширманкин тейсть вейсэнь композиция: «Атянь эзем». Сон алтазь одс вельмевтезь эрзянь кезэрень эрямо коентень, зярдо раськень весемеде превей ды виев атятне топавтсть эрицятнень мелест ды арсемаст. Неень шкане те институтось канды покштояк покш канст ды смусть келень ванстомасонть, пазнэнь озномасо ды эрзянь раськень мелень кепедемасо. «Атянь эзем» композициясь лиссь изницякс «сехте паро раськень ёжонь невтемасонть ды финно-угрань раськетнень культурань кепедема» номинациясонть. Весемезэ ульнесть вете номинацият, конатнесэ тешкставсть истят питнеть, кода вечкемась, важодемась, эпосось ды раськесь. Эряви тешкстамс, паро тевесь лиси сестэ, зярдо ули ломань, кона пии-палы эсь тевензэ кисэ. Удмуртиясо истямо ломань муевсь. Те Рафкат Мухаметович Каримов, раськень коряс татар. Сон Удмуртиянь раськеютконь прикладной искусствань ды ремеслань прявт. Ансяк сонзэ мельсэ, оймесэ ды превсэ неень шкане кепедевсть раськень шкинемань промыслатне ды ютавтневить чувтосто керсемань покшчитне. Россиянь ды паряк весе мода-масторонть келес а муят ды а неят сень, мезть теевить неть чувтосто керсемань читнесэ, тень эряви, моненень маряви, тешкстамс Гиннесэнь книгасонть. Секскак весе чувтосто керсицятне сюконить те ине ломанентень ды вешить пазонть пельде сонензэ шумбрачи ды кувака эрямо. Калаганонь Керяз, Вирь Тавла 25.06.2011 http://www.erzia.saransk.ru/arhiv.php?n=3675&nom11=357
полная версия страницы