Форум » Сёрмадоматев/Литература » Современный эрзянский поэт Дмитрий Таганов/ Неень шкань эрзянь валморонь сёрмадей Таганонь Митё. » Ответить
Современный эрзянский поэт Дмитрий Таганов/ Неень шкань эрзянь валморонь сёрмадей Таганонь Митё.
ломань: Дмитрий Таганов./Таганонь Митё. Валморот. Эрзят! Мон умок паро мельсэ ловнань Таганонь Митёнь валдо валморонзо. Сынь валдот, превейть, эйсест ули эрзянь седей ёжомарямо, ломанень ды пертпельксэнь вечкема ды марямо. Эйсэст тынь мутадо эрзянь оймень ваньксчи, эрзянь келенек мазычи. Эрюш Вежай *** Сэднинзе телесь весе китнень, Ды ковонть пштилгавтизе сельменть. Мон тонь вастомсто седей витнинь - Тон валдонть ало пелить эльнемс. Тон кеме кияванть, прок ведьга, Монь ёнов ютамодо пелить. Секс чавот кадовсть суртнэ кедьгат. Монь лия лембес пильгтне виить. Ней тон ды мон уцяскав ломанть. Парсте молить башкава читне. Мекс эна тошначиде стоман, Ней, зярдо одов сэдявсть китне?… *** Тонь эйстэ учан истя пек сеть апак марсе ине валтнэнь , конатне весе оймем сеск велявтсызь ламонь апак алтне. Ды весе устави прок одс, кода се шкастонть зярдо каштордсь перьканок виресь, раужо сод весь минек вельтямонок чиремсь. Се чанстенть ёмавтнинек минь. Кавонек чумотано, содан. Адя мусынек одов кинть, Кона вети уцяскань модав. *** Сынь палсить. Весе пингстэ палсить. Ды вейке вейкес неждить псистэ. Кулдордыть - кортыть гулькань валсо ды тунь а пелить стяконь виськстэ. Ве пелев сыретне пряст пурдыть, Мирдень аватне мирдть парявтнить, Келя, стувтыть кодатольть нурдот. Вант, ледстнек умонь мазый шкатнень. Сынь кортамотнень а марясызь. Сы шкадонть арсемс тест а мезекс. Тантей чаравкскеть ливтнить прясост – Уцясказост сех паро лезэсь… *** Модамасторонть куншказо тосо, косо чави тонь седееть течи. Сехте вечкема шкась цитни ловсо - Ловоськак, монень маряви, вечки. Ашо лекшедэ вальматне сокорт, сетькак марясызь кодамо ёжом. Мон теть ёвтан: «Кемть, а макстан покорс». Тон вановт казят – чипаень ожо! *** Юты-поты тонь сэредьксэсь ванды. Ёвтась - А вечктян, тонеть сон. Эри ведекс сонензэ кандыть эсеть видькстамот. Нать а ён… Ёжомарямонь вачкить пизэ Весе паротнень кандыть тов. Тензэ анокстык лембе кизэнть, Тензэ алтыть амади ков. Паро,паро… Те юты,юты… Вармакс рангомат сэтьмес пры. Зярдо чарькодьсы: куватьс уды, - Кеме стенакс тонеть ары. *** Ней маштат тюрекшнемеяк пачкодить,малав,колмо иес кечкери лиясто тонь прят а дива – кедьсэть Модань виесь *** Чамаварчамос сеедьстэ варштнят – Мейсэ казизе эрямось Чамат. Каршот мизолдозь ломанесь ашти: - «Мезть ванат»? - Ули эрямот, Ломанекс олят. Тон аволь стяконь чавачамо. Натой зярдо рискстэ новолят. Ды лепеят мелявкс качамос. Тон ломанесь. Тонь ойме олят! *** Тонь эйстэ учан истя пек сеть апак марсе ине валтнэнь , конатне весе оймем сеск велявтсызь ламонь апак алтне. Ды весе устави прок одс, кода се шкастонть зярдо каштордсь перьканок виресь, раужо сод весь минек вельтямонок чиремсь. Се чанстенть ёмавтнинек минь. Кавонек чумотано, содан. Адя мусынек одов кинть, Кона вети уцяскань модав. *** Сынь палсить. Весе пингстэ палсить. Ды вейке вейкес неждить псистэ. Кулдордыть - кортыть гулькань валсо ды тунь а пелить стяконь виськстэ. Ве пелев сыретне пряст пурдыть, Мирдень аватне мирдть парявтнить, Келя, стувтыть кодатольть нурдот. Вант, ледстнек умонь мазый шкатнень. Сынь кортамотнень а марясызь. Сы шкадонть арсемс тест а мезекс. Тантей чаравкскеть ливтнить прясост – Уцясказост сех паро лезэсь… *** Модамасторонть куншказо тосо, косо чави тонь седееть течи. Сехте вечкема шкась цитни ловсо - Ловоськак, монень маряви, вечки. Ашо лекшедэ вальматне сокорт, сетькак марясызь кодамо ёжом. Мон теть ёвтан: «Кемть, а макстан покорс». Тон вановт казят – чипаень ожо! *** Юты-поты тонь сэредьксэсь ванды. Ёвтась - А вечктян, тонеть сон. Эри ведекс сонензэ кандыть эсеть видькстамот. Нать а ён… Ёжомарямонь вачкить пизэ Весе паротнень кандыть тов. Тензэ анокстык лембе кизэнть, Тензэ алтыть амади ков. Паро,паро… Те юты,юты… Вармакс рангомат сэтьмес пры. Зярдо чарькодьсы: куватьс уды, - Кеме стенакс тонеть ары. *** Ней маштат тюрекшнемеяк пачкодить,малав,колмо иес кечкери лиясто тонь прят а дива – кедьсэть Модань виесь *** Чамаварчамос сеедьстэ варштнят – Мейсэ казизе эрямось Чамат. Каршот мизолдозь ломанесь ашти: - «Мезть ванат»? - Ули эрямот, Ломанекс олят. Тон аволь стяконь чавачамо. Натой зярдо рискстэ новолят. Ды лепеят мелявкс качамос. Тон ломанесь. Тонь ойме олят! *** Вальма кенкштне – келес. Кудось весе валдо. Инечинтень келязь, Сельмтне стувтыть салдонть. Тундонь чинесь пешти Ойменек кенярксто. Сехте кеме пештесь Панжи - валдонть вастомс. Кудось цитни-гайги Инжеть учи мазыйть. Весе раужось айги - Визди невтемс прянзо. Оймесь озяз ладсо Паросонть экшели. Стувтовсь – лембесь кадсы, Ансяк мейле. Мейле… *** Вальма кенкштне – келес. Кудось весе валдо. Инечинтень келязь, Сельмтне стувтыть салдонть. Тундонь чинесь пешти Ойменек кенярксто. Сехте кеме пештесь Панжи - валдонть вастомс. Кудось цитни-гайги Инжеть учи мазыйть. Весе раужось айги - Визди невтемс прянзо. Оймесь озяз ладсо Паросонть экшели. Стувтовсь – лембесь кадсы, Ансяк мейле. Мейле… *** Сы. Никстясы. Токасы. Туи. Снарты лездамо – несы: а лиси. Юты ве ёнов – лия муи. Ды кадови сон. Ськамонзо пикси. Нолды качамо – весе неест. Эри-ченги – уштомапель учи. Тарадонь- тарад венстить веенст Лият поздоровт чавот кучить. Колмонст сыть псинть кадовкстнэнь мельга. Ниленст тонолтнэнь кудоваст кандыть. Покштнень кельгстявлизь – сон а кельги, Ризны - тюсозно ёмить лангсост. Монсь пенгинеть сонензэ керян. Путан ламо – толбандям, эряк! *** Шоколадсо качады, инзейсэ Чама бокинензэ весе ваднезь… Монь тейтерькам, ансяк мартот вейсэ Прям маряса аволь латко крайсэ. Кадык кудось минек аволь зинда, Сырнеть –сият пильгенек а тапить Сырнедеяк питней ёжось минек кеме чапокс уголонок чапи…. *** Весе истя кода свал, Метрономонь чова келекс: Течи-ванды, течи-ванды. Ды а кода теде менемс Теке батарейкась палсь. Эсеть эйстэ эскелькскак Шаштовкскак а лиси теемс. Течи-ванды, течи-ванды. Исяк туить - таго тесат. Сельмикелеть пулот несак… *** Мельтне явновсть панксонь панкс. Ванат вейкес, арсят лият, Кортат колмоцеть – шкат мият. Част полавтнят ярмак лангс. Вансак – стяко чават пря – Эрямонть а истя стат. *** Нузялдыця катка, мерят, сэстат Ды тантейстэ автсак летьке кургот. Эрят парсте – киненьгак а лездат, Лият кадык таргить моргот-сюргот. Теветь – эстеть паро эрьва чине Вешнемс, Ламо кажлнь апак сода… …Иля стувто калмозот а кинень Мейле ули каямс каямс комор мода. *** Аволь телесь кельмемасонть чумо - Ацамковдонть седеесь а кельми. Эрси, лембе чистэ аштят румозь, Арсят, парос кемемась а вельми. Тон нурькине читнень течи сюдат, Сёлнат,апак эждя вень раужонть. Ды а марят – эсеть ойметь уды. Секс минек ютксо кажонь те кужось. Секс минь мартот васоло-васоло, Мекс седееть эждямо а машты. Яла учан, псизэнь эеть солы. Содан, сестэ уцясканок шашты… *** Тон тюрить. Тон чавновить, содыть кинь марто. Тонь ятот панжадо чамат аштесь каршот. Монь душмантнэнь чамаксост мазыйстэ артозть. Пейдезеват зярдо сынст сельмезэст варштат. Тось венстясак, зыянонь а мари кедьсэть, Сынст ёнов сех питнееть,макссак эрямот. А сынь тонь ваявттадызь пря велькска медьсэст. Ды ютыть тонь модават уловот вакска… *** Ансяк тосо балягатне палыть. Палыть истя, кода валдо тештеть, Свалшка мельтне оймень тозонь салыть, Се пандонтень косо токнось мештем. Се пандонтень, конань лангов молезь, Минь тонь марто лекшкадозь аштинек. Ды миненек марявсь: свал а коли Те тундонь уцяскань ёжось минек. *** Минек ютксо – мезеяк. Эрямонок кавто леекс. Ве пелев чудить, Ды неемс Токамс вейке вейкень тенек - Те прок меремс: «Менель, прак!» Минек санга вейке верь Чуди, седеенек чавить Вейсэ. Ды, нать, вейке керьксс Ансяк менельсэ тапавить… *** Варштыка, мон а стяко эрян? Ве ёндо, кода пандо прясто. Ким тапавсь, куш ней шержев черян. Нейгак сэтьмечи эзинь васто. Нейгак мелявксонь чеядавкска, Ваямодонть пелезь мон молян. Арсилинь: кежесь юты вакска, - Сон керши акемевикс олям. Мон арсинь: бути паро теят, Тонськак пародо неят свалшка. Ней содан – парос кенкшесь тея, Кежев совамось покш орташка… Мезес пачкодинь ёвтак монень. Вейкеяк мелеть иляк сёпо. Илязан визде онкстамоне Монь ойменть онкстамотнес токамс. *** Тон верьгизат, мон верьгизан. Пейтне пштить, сельметне кежейть. Тон а сокат, мон а изан. Сэтьминетне – эрямс нежеть. Тон а путат, мон а вачкан. Кеденек - аноконть саемс. Визьксэнь-авардемень пачка, Ютатано. Виевть, наянт. Ванды ули тенек каявкс, Тыц пештясынек пекенек. Ансяк сталмодонть а ваямс. Живстэ пизэс савомс тенек… *** Монень марявсь – весе ули мейле. Сестэ, зярдо покшсто касан. Сестэ, зярдо стувтса авань эленть, Зярдо сиянь черть появить прясом. Ютась шка, монь ланга чадыведесь Рудазт валнось, чуварсо шлясь эйсэм. Чивалдоне цитни човазь недесь. Арсят эрян превень марто вейсэ? Теке пакшакс кеман вандынь парос. Мерят, тетям нумолонь кши канды. ..Течинть марто туи кажось зняро. Весе сехте парось ансяк ванды.
Ответов - 14
ломань: *** «Гайкстак монень ванды телефонсо», - Нейке ёвтат – валот сеске стувтсак. А мон вандыс улян теке онстом Учомо те гайкстамонь минутанть. Цёрабайнень китордыця оймем Тонь вайгельдеть меленть симезь сими. Теледентькак кельмемас а ойми. Чадыведекс куроксто а скими. Цядось машты – монсь венстяса кедем Вейсэндиця номерэнть кочкаса. Апак учо тей ютамо сэденть Тонь пелев прок уцяскас таргаса. *** Тонь чамат – томбамаксо. Молят прок сёксень уды карво. Пря потмось баягакс увны. А лезды натой цеця арвось. Но седей потсо мелесь тонь Прок толгель кулов ютксо липни. Пря эзить максо. Кемень марто Тюрить ды изнить Кадык пандыть питне. Тюрить ды изнить Кадык шумбрачить аламонь сэрьсэ валгсь цють седе алов. Тонь оймесь маней - одов тон чачить. Покорицятне кадык сельведть валыть. *** Превень валдосо валозь сы шка. Истя арсинь мон васоло чидень. Арсинь чаволан, зярс мон вишкан. Ней иетнеде, кода пря идемс? Паро превтне пупорькшнемань трокс Монень сатотсть – секс кандомаст стака. Ледстнян ютазенть – кунсолан ёвкс. Ды а ризнан, мекс эйзгат а якамс. *** Монь кудосо гайнить чийнить Апак сизе, верьга вайгельть Кавто вишка баягинеть. Теке тевест дильнемс-гайнемс. Ансяк вень перть Зярдо ёвкстнэ Стасызь сельмест сэтьме валсо Оймить эльнемань кедьёнкстнэ Валскес ононь вельтявкс ало. *** Весементь теия? Нама, аволь. Весементь чарькодьса? Нама, пек!!! Бути од эрямо монень саволь Лия таркас аравтневлинь пелькст. Лиякс мон ветявлинь эсень коронть. Пек седе вадрясто ламо тевть Теевлинь. Ве эрзянь мазый моронть Кода ней, моравлинь чить ды веть. *** Простямак, таго мон а сан. Ды кельмить таргань каванямот. Ды теке эензат тон ськамот. Простямак, прок а эсень шкам. Тон содак, сы вастома чись. Минь пурнавтано килей ало. Валаня карми самонь кись. Ды ули чись валдосо валозь. Минь весе сёпозь валтнэнь вейс Путсынек, те вастоманть морос. Сыть моразь, ойменек менельс. Ачарькодемань шляви порось. *** А пансемс валт, а пандомс кежть – Истя монь тетям-авам тонавтсть. Ды парс кемема эйстэнь вешсть, Илязсан аварькшнемас понавт. Ды истя эрян – мельсэм свал Прок тештеть чопода менельсэ. Монь тетян-авань кеме валт. Седеем ванстыть кельменть эйстэ. *** Сизьгемень сисем лисьмапрясто Тон кандыть тензэ эри ведь. Ки ланга апаротнень вастозь, Ютыть акемевикске сэдть. Ды кода паро тонеть кармась Се шкастонть зярдо редявсь теть: Тонь лезэть вельде лембе вармась Эрямо совавтсь рунгозонзо Од ковонь раужо пелеветь. *** Киян? Мезян? Эрзянь цёран. Молян трокс, Д верьга вайгельть моран. Кедень содыть кеме узерь кечке. Кургом – поза танстенть вечки. Сельмсэнь – пиже вирень тюст. Марян вармань виев увт. Превс путыцям – Вере Пазось сонсь. Ки тень невти. Максы ёнкс. *** Варштака, кодамо менелесь сэрей! Сэняжась пейди теть чиреде чирес. Тон иля пеняця –беряньстэ эрить. Эрямот котлявсь а явовикс кирекс. Те вейке чись тонеть алты аламо. Нурькине шкась аволь ламодо кортавт. Исяк, мерть, ульнесь апаро истямо! Вандынь чинь валскесь вадряс панжи ортат. Кемемак, ялгай, менелентень ванозь. Марик монь кеденть лембензэ эсь кедьсэть. Мартот минь виев ды изниця канонь. Мутано лисема бутраня ведьстэнть. *** Машина, ярмакт, кудот-чить, Евроремонт ды питней кедик. Весемесь, эрзя, тонь ули, Мезесь паро ломаньс кепеди. Кортнят свал капшазь, эсэмэст Кучнят, кувака сёрмань таркас. Мезть иля корта – покш прогресс… Ды яла сэтьмечис а таргат. А сатны тонеть цёков весь, Ды се а покшке чувтонь кудось. Конань чопода кудыкельксс Тон кекшень мелеть каить удозь. Ды истя аламо эрявсь Уцяскав ломанекс теемгат. Сестэ ансяк оймесь эрясь… Ней стяконь майсемасо ченгат. Инже. Тердень инже монень сась. Озась азорокс столь экшсэ. Каванямозон токась, Кирьгакстомань апак кекше. Ремшась. Варштась столенть лангс. - Ялгай, палтнэ трокс тонь керязть!. Сывеь сускомоткак сянгс А саевить, пултавт верьксэст. Мон сонензэ мезеяк. Эзинь ёвта – сась ды туи. Кодак стувор экшстэ стясь Ильтямонтень тувтал муинь. *** -Тон эзить кельме? -Мон? Арась! Монь псись эжди ды тонь лексемат. Неть валтнэ цеця бельгекс прасть Оймезэм. Путымизь кемемас. Ды wzn якшамо тештев весь. Кавонек туртов велявтсь кизэкс. Содан – ледстясынек а весть Вастоманть,кона кодавтсь пизэ… *** Мезе тонь вечкемась монень? Мезе монь вечкемась теть? Молить ды туят ве ёнов: Ведесь а каднови кедьс. Лиятань чаманзо шлясак. Явсак медьковонь пси чинть. …Лембе ледстнематне прясом Таго невтьсы ютазь кинть…
Эрзянь нилькс: Эрзят! Мон умок паро мельсэ ловнань Таганонь Митёнь валдо валморонзо. Сынь валдот, превейть, эйсест ули эрзянь седей ёжомарямо, ломанень ды пертпельксэнь вечкема ды марямо. Эйсэст тынь мутадо эрзянь оймень ваньксчи, эрзянь келенек мазычи. Эрюш Вежай
Эрзянь нилькс: Митё. Кучик тень эсь ванмот (фотот). Эрзятнень ули мелест чаматкак неемензэ, кие истят мазыйть валморот сёрмады. Аравтса ванмот те вальминесэнть.
Семен: Эрзянь нилькс пишет: Эрзятнень ули мелест чаматкак неемензэ, кие истят мазыйть валморот сёрмады Истя!!!
Мидянь Оло: Паро улемка эсинзэ вайгельсэ ловнозь валморотнень кунсоломс. Арасть Митёнь истят арсемат- вайгельсэ *.мp3 форматсо сёрмадомс файлт?
Эрзянь нилькс: Мидянь Оло пишет: Паро улемка эсинзэ вайгельсэ ловнозь валморотнень кунсоломс. Арасть Митёнь истят арсемат- вайгельсэ *.мp3 форматсо сёрмадомс файлт? Пек вадря мелесь! Митё! Теик!
ломань: http://www.finnougoria.ru/logos/poetry/2062/ - тесэ валрисьме ало ютавтовкс марто публикациям.
ломань: Мекс-бути чаматарось а путови профильсэнть
Эрзянь нилькс: ломань пишет: Мекс-бути чаматарось а путови профильсэнть Терявт одс.
Инзейне1: Эрзянь нилькс пишет: Дмитрий Таганов./Таганонь Митё. Мон чачинь сеть таркатнесэ, ков эрзятне тукшность олячи мельга - Равонь томбале аштиця Оренбургонь областень Северной райононь покш-паро Боризвелес. Весе содыть Оренбургонь певтеме ине паксятнеде ды певтеме стептэнть, ансяк минек ёнксось тунь лия: аволь сэрей, Уралонь икельксэнь, пандо ланга тесэ каязть ламо вирть, пандтнэнь юткова чудить куроксто чииця кельме лейнеть, конатне пештявить сядот, ванькс жойниця, лисьмапрянь ведьсэ. А содан конастонть лететсь симемс монень, эли эрьвась казсь тень ёвксонь петнявкс, эли сеть малавикс паро ломантне, конат пингезэст эзть тее берянь тев: эрясть ды эрить Модамасторонть лангсо, ды кеняркшнозь васолить эрямонть тамашатнень марто, - сынь весе тонавтымизь мазычинь вечкеме ды редямо, ды кармавтымизь снартнеме конёвсо сермалемс седе мезесь талновты эйсэнь Те книгась куватьс вешнесь ки ловныцянтень, ламоксть полавтнезь потмозо, теке марто, арсян, эзь полавтово сехте эрявиксэсь - монь эрзянь келенть мазычинзэ неемась, марямось, кона, пек кеман, саты ловныцям туртовгак. Дмитрий Таганов
Инзейне1: ЖДАНКИНА ГАЛИНА НИКОЛАЕВНА Полавтыне Дима Таганов. Всякий день Нишке Пазу моленье Возношу, и здоровья прошу. Старой матери. В грустном смятеньи Всё что в прошлом, сейчас ворошу. Три сынка на родимое место И три дочери мать принесла. Вспоминаю: цветущей невестой Я в её ожиданиях шла. Незаметно тоскливая старость Одолела и маму мою. И всё чаще и чаще устало Её губы со мною поют. Часто в тёмное смотрит окошко - Там не видно ли званых гостей? И того и другого немножко приготовит для встречи детей. Я смотрю на неё и сжимаюсь В осознаньи ухода её. Вере Пазу молитвы читаю. В осознаньи ухода её. Вере Пазу молитвы читаю. И прошу - пусть подольше живёт.
Эрзянь нилькс: Инзейне1 пишет: ЖДАНКИНА ГАЛИНА НИКОЛАЕВНА Полавтыне Дима Таганов.
Инзейне1: Модамасторонть куншказо тосо, косо чави тонь седееть течи. Сехте вечкема шкась цитни ловсо - Ловоськак, монень маряви, вечки. Ашо лекшедэ вальматне сокорт, сетькак марясызь кодамо ёжом. Мон теть ёвтан: «Кемть, а макстан покорс». Тон вановт казят – чипаень ожо!
Эрзянь нилькс: Парт валморонзо.... "Эрзянь Масторонть куншказо тосо, Косо чави тонь седееть течи....." Койсэм, истяяк видестэ улевель....
полная версия страницы