Форум » Сёрмадоматев/Литература » Од сёрмадейть. » Ответить
Од сёрмадейть.
Эрзянь нилькс: Алина Подгорнова "Мордвась"- арась! Арась эрзясь, арась мокшось- Минек лангсо "мордвась" "покшось". Те "мордвась", улема, превей. Ансяк ёвтынк: косо эри? "Мордвась"- арась! Арась эрзясь, арась мокшось- Минек лангсо "мордвась" "покшось". Те "мордвась", улема, превей. Ансяк ёвтынк: косо эри? Куш тынь келемтеде карта, Вешнеде эрямо таркаст, Киска мартояк ютадо, Ансяк мордва а мутадо. Ёвтак, ялгай монень,ёвтак: "Мордвань" кельсэ парсте кортат? Арсян: сон максы покш лезэ, Ды а муеви пизэзэ! Весемесь улевель паро, Ды кортамотнеде зяро! Козонь иля сельге- понгат Асодавикс ракшас- "мордвас". Кинь прязо аволь сув потсо, Содасы, видечись косо. Кие лапшинеть понгавтни- Кадык "мордвань" кель тонавтни!
Ответов - 23
Инзейне1: Эрзянь нилькс пишет: Алина Подгорнова [Алина Подгорнова родилась 19 октября 1991 года в селе Кабаево Дубёнского района Республики Мордовия. Учится на 2 курсе специальности «Журналистика» МГУ им. Н.П.Огарева. Пишет стихи, песни. Произведения публикует в журнале «Чилисема». Мон чачинь Кобале эрзянь велесэ. Тетям-авам, покштям-сырькаем – весе эрзят. Вишка пингстэ саезь, вечкса тиринь келем, тиринь ёнксом. Ды сась шка, зярдо те вечкеманть карминь ёвтнеме стихсэ. Эскельксэнь-эскелькс, шкинемасом молян яла седе верев ды верев. Те тевесь аволь шождыне. Ялатеке, сиземань апак сода, сюпалгавтан оймем од ёжомарямосо, од муевкссэ, конатнень кази монень стихень сермадомась. Нама, ськамозом монень мезеяк аволь тееве. Покштояк покш лезкс максыть тень од сермадыцянь семинартнэ, конатнень марто кирдян ояксчи малав ветеце ие. Тосо муинь ламо паро оят, конатнень марто монь вейсэнди эрзянь келень вечкемась. Илядо стувтне келенек, оят! Зярс минь вечксынек келенек, зярс сон минек ули – минь весемеде сюпав ломанть!
Эрзянь нилькс: Сюконян, Инзейне, вадря мельполадксот кис.
Эрзянь нилькс: Алинань валморонзо: *** Кеман кемемас. Вайсян арсемас. Макст вийть, Верепаз, Аволь майсемат. Сельмсэ пельть айган, Превсэ мельть панян. Иля кучт мельгам, Верепаз, зыянт… Сован инжекс теть Чаво коштонть пачк: Сёлминеть - кедем, Сельмем- ведте начкт. *** Байгинекс петни та - косто верде…. Читнесэ, ветнесэ вейс кеверди. Вармакс кепети - чувар канды, Мадстьсамам течи - стявтсамам ванды. Куракштнэнь ютксо кукорды кукокс, Ловны читнесэ, кекши утомс. Саи вийсэнек, читнень нельги, Вечки, чави, оймес сельги. Кирди эрямонть пикске вельде- Мастордонть сыре ды од, прок эйде. Сядо чаманзо. Мейсэ лезэзэ? Стакачидензэ коштось кевензы. Ютазь читнесэ эекс велявты, Капши икелев, ливти, мелявты. Cодавикс, неявикс, а ёвтавишка- Ютазь, неень ды сыця шка. *** Таго капши туеме кизэсь. Таго ютазенть ланга арсят. Кода пиземесь ведьсэ пизесь, Кода чипаесь эждясь паксят. Кода менельсэ кизэнь ковось Ожо тештинетнесэ ловнось. Уиця пельтнень мельга вансь, Конат шкасонть ков - бути пансть. Таго прась чувто прясто лопась- Мазый пертьпельксэсь сеске опамсь. Таго сёксесь сась апак терде- Кикст ёндолонь верде певерди. *** Пужозь цецянь пусмо казсь тень кизэсь, Зярдо ютась вакска коштонь керязь. Эзь аште куватьс кедьсэм те инжесь, Апак учо оргодсь чаразь-велязь. Срадсь сонзэ лембезэ кельме сувокс, Конась вельти моданть валске марто, Чипайнесь а мари прянзо чумокс, Мекс монь эждемс лембезэ эзь сато. Кедезэм кадовсть ансяк ведьбайгеть, Конатне сырнеде монень питнейть. Сынь свал ёвксонь баягинекс гайгить, Иляст зыянс пачтя эйсэнь китне. Весе валдо мелем лиядсть кизэс, Конась шлизе чамам салов ведьсэ. Ансяк онстом молян тензэ инжекс, Пужозь цецянь пусмо кандан кедьсэ.
erzia: Мордвась арась стихесь вельть вадря. Седе ламо а ёвтат!!!
Эрзянь нилькс: erzia пишет: Мордвась арась стихесь вельть вадря. Седе ламо а ёвтат!!! Истя, ялга! Од ломань, од тейтерь, ванат зяро превензэ! Лият седе сыреть... Кунсолат эйсэст, тень овсе а чарькодить.... Седе ламо од ломанть тенек эрявить, конат арсить те од мазый тейтеренть марто вейкетстэ.
Овтонь Чавиця: Сёксень читнень сырнень мазыст, мон казян течи тонеть. А тон овсе а вечксамак, мондень велятсыть сельметь Бажан вастомс мон тонть марто, ули мелем тонть неемс Кельме седейсть лембе валсо, мон капшан тонеть эждемс.
Овтонь Чавиця: Сёксень читнень сырнень мазыст, мон казян течи тонеть. А тон овсе а вечксамак, мондень велятсыть сельметь Бажан вастомс мон тонть марто, ули мелем тонть неемс Кельме седейсть лембе валсо, мон капшан тонеть эждемс.
Овтонь Чавиця: Сёксень читнень сырнень мазыст, мон казян течи тонеть. А тон овсе а вечксамак, мондень велятсыть сельметь Бажан вастомс мон тонть марто, ули мелем тонть неемс Кельме седейсть лембе валсо, мон капшан тонеть эждемс.
Овтонь Чавиця: Сёксесь сась минек масторов, ожо лопатнень ацазь. Минек ютксо ведь тонть марто истя аламо ёвтазь. Косо тонть мазы чаминеть? Косо тонть мазы турват? Сельмень конясынь ды неян, теке икелень аштят.
Овтонь Чавиця: Истямо эстэдень валморонь сёрмадейксэсь.
Викань Аля: Седейшкава сермадыть, те неяви. Пек паро, бути ломаненть седейстэ истят валт молить. Кавксть паро, бути те лиси тиринь кельсэ.
Овтонь Чавиця: Нувсезь паксятне аштыть ней, варакатне а пижныть. Овтотне вирьпотсо нувсить, ды удома шка учить Стака менельсь валы пизем, вешныть нармунть лембе ён. Ков кекшэмс ней те зыяндость, молян мадян кашлангов
Овтонь Чавиця: Таго сёксь, пиземе валы, пельтне копачизь менельсть А мон овсе нусманьгадынь, ды учан кельме телесть. Тон мизолдат чипай лиси, тон авардят- зыянчи Ней тон косат, мон а содан? Седейсь ризны, тонть учи.
Ильконь Микай: Тиринь велем Ков а молян, кува якан, Мон а стувса коли як Тиринь мастор, эрзянь велень Кона терди: «Курок сак.» Тунда сак, кода цецятне Якстерь толсо палгадыть. Кизна сак, коли аватне Морот цела ве морсить Сёксня пиземесь аварди, Чаво ашти кудось гак. Тельня учи, таго терди: «Сак, азором, эжнемак.»
Виталий Павлов: Паро !
Овтонь Чавиця: Микай ёжовсто сёрмады, седейс токить валонзо. Алкуксонь сёрмадей.
vijan: Микаень валморось мелезэм тусь пек, бути диалектэнь ёнкстэнь аламнеде витемс - куш нейке печатьс. Витяненьгак теке валом карми - тонавтнить эдь келенть школасо, мекс сестэ сёрмадат "менельсть". Минь Микай марто эзинек тонавтне эрзянь кель школасо, Тонь пельде кевкстематне седе казямот
vale: бути эзить тонавтне,мезть тонавтат.мазыть моротне весенень морамс.
vijan: мон школасо эзинь тонавтне, истяк пингень перть тонавтнян, мейсэ-мейсэ маштан лияненьгак явомо аламнешка))) Литературасонть литературань кельтеме а кода)))
Овтонь Чавиця: Минек школасо "Тирень Кель" арасель. Кортан ды сёрмадан кода маштан.
Инзейне1: Овтонь Чавиця пишет: Минек школасо "Тирень Кель" арасель. Кортан ды сёрмадан кода маштан.
Эрзянь нилькс: Овтонь Чавиця пишет: Минек школасо "Тирень Кель" арасель. Кортан ды сёрмадан кода маштан. Монгак истя. Ансяк валморот-ёвтнемат эряви сёрмадомс литературань кельсэ. Истя эрьва кельсэнть тейневи. Тень пингстэ апак пеле совавтнемс велень кортавксонь (диалектэнь) валтнэнь. Аволь рузонсетнень.
Овтонь Чавиця: Килей ало мазы тейтерь, мекс тон лангозон ванат? Мезе вешнат тон а муят, ансяк лопатнень шешкат. Монь сельмень сиядыть ванозь, а муян эстень тарка. Седей ормасо сэридян, ды ёжом ней пек стака.
полная версия страницы