Форум » Вастнема /Общение » Эрьва косто кулятне » Ответить
Эрьва косто кулятне
Сыресь Боляень: Мезе тееви лия мастортнэва
Ответов - 2
Сыресь Боляень: Вана истя эрси, бути масторсонть прявтось раськесь ды коесь. Улиндеряй истя минек масторсояк, паряк седе парсте эрямось туевель...
Сыресь Боляень: Гоголь ушоды кортамо эрзякс Нежин ошонь кирдимань (государственный) Николай Гоголень лемсэ унивеситетэнь библиотекасонть книгатнеде миллиондо ламо. 14 це ацамковонь чистэнть тозонь понгсть васенцетне, конат сёрмадозь эрзянь кельсэ. Сынст казнизь «Эрзянь Вал» куронть пелькскирдицятне (участники), конат васстовсть те чистэнть Нежин ошонь университетэнь ректоронть марто. Тонавтома кудонь прявтось Олександр Бойко, сон политикань тонавтомачинть доктор. (доктор политических наук) Киевстэ Нежин ошов пачкодсть Александр Болькин, Дмитрий Левусь ды Ростислав Мартынюк эрзятне. Сынь ветясть кортамонть Эрзянь Келень чинть анокстамодонть. Ули паро мель, сы иестэ 16 чадыковонь чистэнть ютавтомс сонзэ Нежин ошсо. Самай те чистэнть чачсь эрзянь тонавтыцясь Анатолий Рябов, конань НКВДэнь бандиттнэ чавизь 1937 иестэ Саран ошсо. Сонзэ лемсэ 1990 иетнестэ ульнесь теезь Эрзянь келенть идемань курось. Се шкастонть, те чистэнть, весе мода масторганть эрзятне тешкстыть Эрзянь Келень Чи! Истямо коесть кемекставсь Украинасояк, Киев ды Симферополь оштнэсэ. Ней эрзятне кочкизь Нежин ошонть. Нама, те аволь стяко! Нежин ошонь институтсонть, 1912 -1916 иетнесэ тонавтнесь Анатолий Рябов –эрзянь тонавтыцясь. Теке институтсонть тонавтнесь таколи Николай Гогольгак. Сон ютавтынзе те ошсонть од пингестэнть сисем иеть. Ростислав Мартынюк тешкстызе: -Анатолий Рябовонь тонавтницятне ютавтокшнызь эрзянь кельс Гоголень книгатненьгак. Паро улевель тунда ёвтнемс теде Эрзянь Келень Чистэнть ды ловномс мезеяк вайгельс. Паряк Рябовдо мееле эрзянь келесь тесэ эзь гайге. Те идеясь пек тусь ректоронть мелезэнзэ. Теде башка пек кенярдовтызе сонзэ Орест Ткаченконь мелезэ самс тунда Нежин Ошов. Профессоронть «Васолялгань сёрмат» книгаськак ульнесь кадозь университетэнь библиотекас. Олександр Бойко алтась вешнемс сеть документнэнь конат ёвтнить Анатолий Рябовонь университетсэнть тонавтнемадонть. Паряк улить архивсэнть истят. Нама, неть конёвтнэнь муемась улевель покс кенярдомакс эрзятнень туртов. Туемстэ эрзятне казнесть Бойко ректоронтень Анатолий Рябовонь фотопортретэнть. Паряк марясызь тунда Нежин ошсо эрзянь кельс ютавтозь Гоголень валонзо. Содамо туртов: Олександр Дмитрович Бойко чачсь 1958 иестэнть. Прядсь Черновцы ошонь университетэнть историянь факультетэнть. Сёрмады книгат течинь историянь проблематнеде, политикань психологиядонть, ды теде башка политикасо манипуляциятнеде. ОК (Ожомасонь Кирдя)
полная версия страницы