Форум » Вастнема /Общение » Чачома чи марто,Эрзянь нилькс!!!! » Ответить
Чачома чи марто,Эрзянь нилькс!!!!
Инзейне1: Мельвановикс , Эрзянь нилькс! Чачома чи марто тонть! Арсетяно тенть шумбрачи ды вадря эрямо, ульть шумбра, изнявкст тонть покш тевсэть , ульть уцяскавокс, вечкевиксэкс!
Ответов - 10
Эрзянь нилькс: Сюконямот, Инзенйне, паро ойме ёжонь арсемат кис!
Инзейне1: Чачома чи марто,Эрюш! Уцяска, мизолкст, ламо ялгат ды ламо маней чить! Кадовт истямо вадря ломанекс, кодамат ней! Кадык те чистэнть топавтовить весе тонь мелеть ды арсемат! Ульть шумбра!!!!![ Шачинь 1955 иень эйзюрковонь 7 чистэ Оренбург ёнксонь Ирикла велинесэ. Эрзяян. Эйкакшпингем ютась Самара ёнксонь Беднота эрзянь велинесэ. Тосо туинь школав ды прядынь 4 класст. Велиненть калавтоманзо кувалма туинек эрямо Пенза ёнксов, Пачелма станцияв. Тосо прядынь 8 класст. 15 иесэ туинь тонавлеме Свердловскоев, Суворов лемсэ ушмонь училищав. Прядыять сонзэ сырнень медаль марто 1972 иестэнть. Сеск седе тов туинь Киев ошов, косо тонавлинь Киев ошонь военно-морской политучилищасо. Прядыя сонзэ 1976 иестэнть. Лейтенант ушмолемсэ кучимизь урендямо Раужо иневедень флотов, Севастополь ошов. Ушмовенчсэ урендинь кото иеть. Мейле кучимизь тонавлеме В.И. Ленин лемсэ ушмонь академияв. Прядыя сонзэ 1985 иестэнть. Кучимизь урендеме Пелевеёнксонь флотов. Урендинь эйсэнзэ ушмовенчсэ ды штабсо 1994 прядома ковтнес. Омбоце рангсо капитан. Те шкас урендян таштавкс вийсэ (запассо). Важодян эсь тевсэм. Урендемасто туемадо мейле панжинь эсень тев. Кирдян кинигань микшнема лавка, лемезэ "Erziana". Эрюш Вежай /Ерюшов Б.А./ Бабинетне эрзякс кортыть… Косто марямс эрзянь келенть?... Эрзянь велев ардодо, Ало пева, Вере пева Ютадо… Кунсолодо… Бабинетне эрзякс кортыть Вальма ало озадо… Вейкесь обмоценть кавани Прякадо ды позадо… Тона суски, поза коршты, Памшты-теи, киведи: -Кода теить? Мезе путыть?- Шабранть кевкстни ялгазо… - Кода паневсть истят тантейть? Келеськак ва нилеви!- - Исяк чокшнэ чапакс путынь, Валскес парсте сыргазо… Каинь комоляведь, оргат, Ичинь кедьсэ, скалкасо… Тапинь алнэть, каинь ойне, Мерькинь ашо модамарть, Теинь весе авань койнекс, Тензэ чансть Паз максозо…- Бабинетне эрзякс кортыть Вальма ало озадо, Кортыть мазый эрзянь кельсэ... - Састыне… Кунсолодо… Эрюш Вежай 2010 ие, медьков
мианажов: Инзейне1 пишет: Эрюш Вежай Шумбрачи теть Эрюш. Чачома чи марто. Кадык Нишке Пазось а кадтанзат, лезды теть тонь стака тевсэ, таргамо минек раськенть чопудачистэ. Вийть, шумбрачи, уцяська теть.
volgin Andrei: мианажов пишет: Кадык Нишке Пазось а кадтанзат Шачома чи марто, Ув.Эрюш Вежай!
Эрзянь нилькс: volgin Andrei пишет: Шачома чи марто, Ув.Эрюш Вежай! Сюконямот, цёра, мелеть явомань кис!
Эрзянь нилькс: Сюконямот лембе валонк кис, Инзейне ды Михаил Иванович! Алтан тенк, мезе маштан, мезес виеван, карман тееме Эрзя раськенек туртов.
Овтонь Чавиця: Мелявтан мон Эрюшнэнь весе сехте паро, мезе ули модамасторонть лангсо! Ульть свал минек ютксо, тон миненек пек эряват.
Эрзянь нилькс: Овтонь Чавиця пишет: Ульть свал минек ютксо, Сюконян! Кода эно лиякс!
Ильконь Микай: Чачома чи марто. Уцяскадо ды шумбрачи!!!
Эрзянь нилькс: Ильконь Микай пишет: Чачома чи марто. Сюконямот, ялгай!
полная версия страницы