Форум » Вастнема /Общение » Теевтяно содавиксэкс... = Познакомимся.... » Ответить
Теевтяно содавиксэкс... = Познакомимся....
Эрзянь нилькс: "ЭМ" 18.01.12. ЭРЗЯНЬ УШМАН «Эрзянь Мастор» кулялопанть ловномсто аволь весть куродыкшнымим кевкстемась: «Кие истямось Боляень Сыресь газетас сёрмадыцясь»? Редакциянь важодицятне кевкстемам каршо мекс-бути свал чатьмонсть… Весть, Украинань Масторов санаторияв ардомсто, Киев ошсо апак учо вастовинь колмо цёра марто, конатнень ундоксост сюлмазь Эрзянь Масторонть марто. Вейкесь юткстост ульнесь Болькин Александр Григорьевич, самай се, Боляень Сыресь, конадо мон исковиньгак. Карминь содамо, сон чачсь Саран ошсо. Тетязо Ицялбуень эрзянь Сакулька велестэ, авазо Ичалка ёнксонь Сырезь велень рузава. - Тетянь аванзо тейтерьксэнь фамилиязо Бутяйкина, - эседензэ ёвтнесь тень Боляень Сыресь, - куш кевстнемам лангс каршо валтнэнь а мельсэ ёвтнесь. - Зярдо сынек Селищав эрямо, тетянь лангсо тесэнь эрицятне яла пеедькшнесть: «Ванодо, ванодо, «Вантай» моли». Те лементь педявтызь тензэ эрзякс «сакулькакс» кортамонзо кувалма. Селищань школасо, косо тонавтнинь вейксэ иеть, эрзянь келень тонавтомантень покш мель эзть явокшно. Школань прядомадо мейле Красноярск ёнксонь Ачинск ошонь ушманонь кудосо колмо иеть тонавтнинь. Тосто кучимизь Украинав, Житомирэнь областень Озёрное гарнизононтень - ушманонь тевень кандомо. Эзинь фатя, кода ютасть тесэ кемень иетне. Самай тестэ туинь тонавтнеме Киевев авиациянь инженерэнь училищав, конань ниле иень ютазь прадыя. Тонавтнемадо мейле теске кадымизьгак важодеме. Шкась истя куроксто ютась... Тесэ Союзось каладсь. Мон майоран. Эйкакшонок колмо. Ярмакт арасть, эрямо таркам арась. Мекев Россияв велявтомс? Тосояк пизэ эйкакш марто кияк эйсэнь а учи. Теске макссть коммуналкасто эрямонь нупаль. Содави, салтомо кшинтъ савсь ярсамс аволь аламо. Истя те ушманонь авиациянь училищасонть тонавтыцякс важодинь 1992-це иестэ саезь 2000 иес. Кода пачкодинъ эрзянь тевентень? Эрямось моли, ломанесь арси эрямонь смусттенть, муинь эрзянь ялгат, эрзянь ломанть. Карминь мартост вастневеме, кортамо. Койсэнь, келенть тонавтомс а стака. Стака чарькодемс, кода а шожда ули изнямс шовинизмасонть видезь наронть. Киевсэ теинек «Эрзянь Вал» куро, ков пурнавкшнотано, кортнетяно тиринь кельденек, культурадонок, койтнеде-кирдатнеде ды эрямопингеденть. Ней интернетсэ пурнынь рузонь-эрзянь валкс, нолдынек кавто эрзянь валморо марто пусмот, арсетяно седе товгак тевенть поладомс раськем лезэс... Ней монгак содан, кие те Боляень Сыресесь ды кодамо сон паро, Эрзянь Масторонть кис алкуксонь аштиця эрзянь ушман. Сурвелень Шуляна, Saran osh
Ответов - 3
Инзейне1: Эрзянь нилькс пишет: Ней монгак содан, кие те Боляень Сыресесь ды кодамо сон паро, Эрзянь Масторонть кис алкуксонь аштиця эрзянь ушман. Сыресь лелясть марто малавикс теевинь 2009 иестэ,лован сонзэ лелякс,Боляень Сыресь алкуксонь эрзя, пек паро ломань,седей мариця.васецедекс вастовиник мартонзо Раськень Озксонь анукстамосто,истят эрзят кодамо Сыресь Боляй мастор лангсость а ламо.Евтан тензэ лембе валт,эряк ,леляй куватьс ,паро мельть тенть ды паро тевть.
Сыресь Боляень: Сюкпря, весенень, паро валонь кис. Ловномсто карминь кавтолдомо, паряк кулынь, истя шныть? Сюкпря весенень, арсян минек вейсэнь тевтне икеле, ялгат...
Эрзянь нилькс: Сыресь Боляень пишет: истя шныть? Иля пеле, ялга, минь некшнынек сялдома-сюдома валткак. Тескеть сынь, мелькужосо. Сялдыцятнеде улитькак, кармитькак сатышка... Ансяк ломанесь неяви тевсэ, аволь валсо. Ломантне содатадызь паро теветь ды ёвтасть теть лембе валт паро эрзянь коеть-обуцят кис. Парот марто монгак уш а весть вастовкшнынь. Валдо мельть ды паро тевть теть, цёра.
полная версия страницы