Форум » Вастнема /Общение » Васенце тундонь чи марто , эрзят! » Ответить
Васенце тундонь чи марто , эрзят!
Инзейне1: Тундонь васенце чи марто,весенень ламо уцяска,паро тевть ,паро мельть!!!
Ответов - 2
Инзейне1: Тунда Зярс пертьпельксэсь уды, стян, Састо чалгсезь ушов лисян. Пиже тундонь экше валскесь Нежедсь лавтовсо кустимбес. Паксятнева жажорат панжсть, Исяк, неинь, письмарт велявтсть. Сургут леесь шалны – чадыведь. Тундось кишти-моры чить ды веть. Кунсолан се тундонь моронть, Марявсь тень - одкстоминь мон монсь. Письмар моросо васты тундонть, Истя чоледи, прянзо стувтозь… Каштмолян, тандавтса, пелян, Таймаскадозь чиньстямо учан, Чикоркстомо мон сёлгса кенкшкенть, Мештьсэм лекстяса эрикс экшенть. 1998 ие, таштамков, 24 чи. Эрюш Вежай.
Инзейне1: Числав Журавлев. Эрьва тундось сы эсензэ койсэ... *** Эрьва тундось сы эсензэ койсэ,— Тедеде сон кувать учнезь сась. Каргонь морось велькскан чуди жойсэ, Токны седейсанокс лисьмапрясь. Моньгак коштканть келемсть оймень сёлмон. Мекс мон пелезь ванан моданть лангс? Теке онсан. А содангак ки мон — «Чарокине», «туло» эли «панкс»? Паксясь учи, зярдо валган верде, Зярдо азоркс ютан розенть трокс. Таго велесь ковонть ало штерди Кеме суреть, коды эрзянь коцт. Эзь онкставо вентень чадыведесь, Эзь кадово тундось пелевес. Олянть ёнов венстявсь тундонь кедесь, Моданть таго эжди педе пес!
полная версия страницы