Форум » Вастнема /Общение » Од Ие марто, весе мелькужос совицятне! /С НОВЫМ ГОДОМ ВСЕХ ФОРУМЧАН !!! » Ответить
Од Ие марто, весе мелькужос совицятне! /С НОВЫМ ГОДОМ ВСЕХ ФОРУМЧАН !!!
yasa: http://sanya-sim.vuspehe.com/HappyNewYear.aspx
Ответов - 9
Эрзянь нилькс: Од ие марто!= Od ije marto!= С Новым годом!
Танюш: Од Ие Од Ие совась минек велес Ды лембе валсо эрзякс пшкадсь: - Кить тукшность тестэ Моданть келес, Кить оймень сезнезь кудост кадсть?! Вечкевикс эрзят, мекев садо Тей, косо покштянк-бабанк чачсть, Ды пильге лангс од азоркс стядо, - Мон содан, оят, пекенк вачсть. Ды аволь ансяк пекенк чавот, Мик валдо ойменк ченгсть ды чамсть, Ды ялатеке сынь эзть яво Те ёнксонть эйстэ, косто пансть… Минь эрзят, аволь вармань крандазт, Санганок чуди шумбра верь, - Садо, стявтодо кудот, кардазт, Чачтадо цёрат ды тейтерть! …Мон молян веленть кувалт састо, Сэнь ковось валги кальтнень потс. Од Иесь канды пандтнэнь прясто Од ловсто кодазь ашо коцт. Числав Журавлёв Од иеhttp://erziana.my1.ru/index/pokshchi/0-22
erzianj : Од 2010 Ие марто ды Роштувань покш читьнень марто эрзят, ды монь ялгат! Сюкпря лездамонк кис, уледе шумбрачивть од иестэ. Ансяк паро тыненк ды малавиксэнк туртов. ___________________________________________ Onnellista Uutta Vuotta! Hyvää uutta vuotta, ystävät! Kaikkea parasta! ___________________________________________ С наступающим Новым 2010 Годом и Рождеством эрзяне и мои друзья! Спасибо всем тем, кто в этом году был с народом эрзя, с его эрзянским языком, или просто был опрой и другом. Новых начинаний и успехов. Здоровья и счастья в новом году вам и вашим близким. ___________________________________________ Ваш, Петрянь Андю
Сыресь Боляень: Шумбрат уледе, ялгат - оят!!! «Эрзянь Вал», седейшкава кучи весенень поздоровт Од Иенть самонзо марто!!! Арсетяно - бажатано весенень эргедемав ды утяскав ие, виев шумбрачи эрзянь тевенть кепедемастонть. Кадык палы седейсэнек атянь штатолонь валдось… Чить ды веть!!! Сестэ юты шкась зярдо эрзянь келесь, бути трянь эйде эсинзэ масторсо эри! Кадык маласонок улить инязоркс ломаньксчись ды арневтемась, кадык эйкакшонок улить шумбрат ды превейть. Весе лиятась те суволгадома ды лукш! Уледе шумбрат!!!
Семен: Сыресь Боляень пишет: «Эрзянь Вал» Васняяк теик те групанть, эрзянь группакс, нейке те МОРДВА!!!!
Сыресь Боляень: Те, чаркудинь, сюк прянь кондямо бажамотнень кис! Арсян а шка ды а тарка сёлномс! Шкась невсазо кие эрзя, кие ансяк прянь невтиця. Промксось минек эрзянь. Ды лемзэяк "Эрзянь Вал". Ней весе вейсэ 233. Улить эрзят, рузт, мокшот, Венгриясто улить ломанть. Весень пурнынзе вейс Эрзянь Келень вечкемась. Семен пишет: теик те групанть, эрзянь группакс, нейке те МОРДВА!!!! "Эта практически невазможнай задачась. "эрзясь" минек адин всего. Не хватаит весе группатненень " - шуткаюмора Иля кежиявле Семен!!! Ульть шумбра, эрзянь цёра Од Иень кувалт ды седетовгак! Паро мель марто, Боляень Сыресь
Танюш: *** Новольсь ташто иесь, Стясь Од иень чись Ды, прок эйкакш, чиезь Веленть куншкас лиссь. Совась минек кудос, Валгсь столенек экшс. Мезе тосо путозь - А кельгстяви пекс! Столенть экшсэ - пакшам, Вакссом - мазый ним - Сынст мон шнамо капшан, Сынь - монь сюпавчим. Ташто ие, мерян Сюкпря теть сень кис: Живан, ломанькс эрян - Сован яла вийс. Тонь каршо, Од ие, Кода эрси свал, Кадык эрьва кие Канды кши ды сал. Числав Журавлев
vijan1: Весенень шумбрачи, ине вечкема, уцяска, чарьтьчи Од иестэнть!!!
Эрзянь нилькс: Од ие марто, эрзят! Од ие марто, ялгат! = С новым годом, эрзяне! С новым годом, друзья! Эрзянь мелькужонь ветицятне ёвтыть тенк лембе шумбракстнема валт 2010 иенть шумбрасто самонзо кувалма. Сазь иестэнть максозо тенк Инешкипазось кеме шумбрачи, эрямонь вий, валдо мельть, изнявкст эрьвачинь тевсэнк, улест шумбрат-уцяскавт кудораськенк-малавиксэнк, изнявкст весе паро тевсэнк-мельсэнк. Кемекставоль Эрьзя раськенть виезэнзэ, сы эрямозонзо кемемась. Нилеце ие минь, Эрзянь Мелькужос совсиця ломантне тесэяк вейсэ тешкстатано Од иень покшчинть. Мелькужось теезель 22.11.06 иестэнть ды вана нилеце ие топавты эрзянь раськентень чарькодемс тарканок лия раськетнень ютксо, неень шкань эрямосонть. Мелькужонть теемстэнзэ минь путынек эсенек икеле вейке тёкшмель (цель) - лездамс минек раськентень ванстомс минек валдо Эрзя леменек ды гайтев эрьзянь келенек, кастомс эрзянь меленек. Ютазь иетнень перть минь лездынек ютавтомо эрзянь покшчитнень, васняяк Раськень Озксонть, Эрзянь келень чинть, "Масторавань" чинть, лездынек 3-це Эрзянь Инекужонть ютавтомонзо, эрзянь ковкерьксэнь нолдамо тевентень, эрзянь википедиянь теемантень, "Эрзянь раськень валдо" ванмокувонь невтимань ютатоматненень. Неть весе тевтне теезельть аволь ламо ломаньсэ. Зярскак тевень теицятнеде ютксонок аволь ламо. Теке марто неть аволь покш вийтнесэ теезельть сатышка паро эрзянь тевть, конатнеде мольсь ды нейгак моли кортамось мелькужосонть. Минь паро мельсэ тешкстатано, Эрзянь Мелькужос совсицятнень ютксо седе покш пельксэсь ашти сеть ломантнень эйсэ, конат бажить аволь ансяк кортнеме эрьзя раськень тевтнень-культуранть коряс, седе ламотне сетне, конатнень оймесэст кенерсь ине мель - кундамс эрзянь тевс, кона лезды эрзя раськентень неень шкань стака читнестэ. Эйсэнек сеедьстэ сялдыть, сюдыть, чумондыть. Ансяк мейсэ эйсэнек а чумондыть! - Келя, миинек минь прянок Рузмасторонь яттнэнень, - мелькужонть кис, келя, пандыть тенек улавсо ярмакт: ЦРУ-сь, ФСБ-сь, Моссад-ось, суомитне, эстнэ, чечентнэ, украинецтнэ ды седе тов... - келя, минь "лжепатриотт", провокаторт, сепаратистт, националистт, виськстэметь, маньшицят, кенгелицят ды седе тов... -келя, тынь секта, эйстэденк пек аламо, секскак а мезть тенк панжтнемс кургонк, эряви тенк каштмолемс... Ульнесть ды улить витьсэ чамас тандавтнематкак. Кежиявтнемс тенек неть чумондоматнень-тандавтнематнень лангс, койсэнек, стяконь тев. Зяро ломанть - зняро мельть. Минек мелесь истямо, кундыть эрзянь тевс - ульть анок, чумондатызь эрьва мейсэ. Теде пелемс - сестэ а кундсемскак эрзянь тевс. Секскак кемтяно, эрзянь мельсэ эриця ломантнеде эрьва чистэ карми седе ды седе ламо. Седе ды седе ламо эрзят кундыть Эрьзя лементь ды эрьзя келенть ванстомост-идемест мезе ули виест. Секскак минь седе товгак карматано паро мельсэ вастомо тесэ, Эрьзянь Мелькужосо, сеть эрьзятнень ды эрьзя раськень ялгатнень, кить кармить лездамо тенек кастомс Эрьзянь Меленть, ванстомо Эрьзя Лементь ды Эрьзянь Келенть. Теке марто, минь седе товгак карматано нолдамо Мелькужос сетнень, кинь стакасто лемдямс тенек ялгакс. Истят ломантнеяк кандыть тенек лезэ. Сынь парсте невтьсызь тенек лавшо тарканок, лавшо тевенек, лавшо арсеманок. Сынст мельтне кармить кармавтомонок седе превейсэ арсеме, тевень ветямо. Нама, седе товгак, а кармить нолдневеме сетне, кить тесэ терявтыть кортамо мартонок сёвнома-кроямо валсо, кие карми совсеме мелькужос аволь тевень тееме, мекевланк, эрзянь тевстэ айгеме, сёвномо. Сы иенть васень тевенек: 1. Анокстамс эрзятнень Рузмасторонь келес ломанень сёрмадстомантень. 2. Анокстамс эрзятнень Раськень Озксонтень. Уледе шумбрат, эрзят, ялгат! Икелев молиця тевть тенк! Инешкипазось лезазо тенек валдо тевсэнек! Эрзянь Мелькужонь ветицят.
полная версия страницы